Дьаҥхаады нэһилиэгэр саҥа хочуолунай үлэҕэ киирдэ

Тохсунньу 31 күнүгэр  Мэҥэ Хаҥалас улууһун Дьаҥхаады нэһилиэгэр үөрүүлээх быһыыга-майгыга саҥа хочуолунай үлэҕэ киирдэ. Бу туһунан улуус дьаһалтатын пресс-сулууспата иһитиннэрдэ.

Бэлиэ тэрээһиҥҥэ  СӨ ОДьКХ уонна энергетика миниистирэ  Вячеслав Емельянов, улуус баһылыгын бастакы солбуйааччы Василий Михайлов, нэһилиэк баһылыга Василий Стручков, “Армон” ХЭТ салайааччыта Ян Новиков кыттан, олохтоохтору эҕэрдэлээн туран хомунаалынай хаһаайыстыба сайдыытыгар өҥөлөрүн, үтүө суобастаах үлэлэрин иһин үлэһит үтүө дьоҥҥо наҕараадалары туттардылар.

— Эбийиэги Ян Новиков салайааччылаах «Армон» хааччахтаммыт эппиэтинэстээх тэрилтэ үлэҕэ киллэрэн нэһилиэк ититии ситимигэр 100 % холбонору ситистэ, —  Мэҥэ Хаҥалас улууһун дьаһалтатын пресс-сулууспата иһитиннэрдэ.