Дьаҥхаадылар байыастарга икки массыынаны ыыттылар

Василий Стручков баһылыктаах Мэҥэ Хаҥалас улууһун Дьаҥхаады нэһилиэгин дьаһалтата байыаннай дьайыыга сылдьар уолаттарга анаан «УАЗ-Охотник» уонна «Газель» массыыналары ыыппытын туһунан Мэҥэ Хаҥалас улууһун дьаһалтатын пресс-сулууспата иһитиннэрэр.

Дьаҥхаады уолугар анаммыт «УАЗ-Охотник» массыынаны «Донбасс хотугулуу-илиҥҥи көмө уонна өйөбүл пуондатын» нөҥүө улахан массыынаҕа тиэйдилэр.

Ону сэргэ бу күннэргэ улуус үрдүнэн гуманитарнай көмөнү хомуйа сылдьаллар.

Сотору кэминэн оройуон дьокутааттарын Сэбиэтин бэрэссэдээтэлэ Иннокентий Андросов, улуустааҕы биир кэлим дьуһуурунай-диспетчерскэй сулууспа начаалынньыга Афанасий Максимов салайыыларынан бөлөх тэриллэн көмөнү туттарыахтара диэн иһитиннэриигэ суруллубут.