Хаартыска: SakhaGov
Саха Өрөспүүбүлүкэтин Арбитражнай суута бэҕэһээ Экологияҕа, айылҕаны туһаныыга уонна ойуур хаһаайыстыбатыгар министиэристибэтин «ВудЛэнд24» ХЭТ түһэрсиллибит баһаары утары ирдэбиллэри толорботоҕун иһин ойуур учаастагын арендатын дуогабарын тохтотор туһунан уонна 5,5 мөл. солк. тахса иэһин төлөтөр туһунан ирдиир сайабылыанньатын көрүүтүн түмүгүнэн, судаарыстыбаннай уорган ирдэбиллэрин сокуоннай уонна төрүөттээх диэн билиннэ.
Бэтэрээн, уопсастыбанньык уонна эко-активист Данил Петрович Ефремов санаатынан, бу быһаарыы ойуур ресурсаларын табыгастаахтык туһаныыга бэлиэ хардыынан буолла.
«Суут быһаарыыта ойууру кэрдиинэн дьарыктанар тэрилтэлэр экология нуормаларын уонна баһаары утары ирдэбиллэри тутуһуулара булгуччулаах ирдэбил буоларын бигэргэтэр. Биһиги ойуурдарбытын харыстааһын дуогабары толорууга биир сүрүн усулуобуйатынан буолар уонна министиэристибэ быраабылалары бары тутуһалларын дьаныардаахтык кэтиир.
Министиэристибэ айылҕа ресурсаларын салайыы эйгэтигэр бэрээдэги уонна кырдьыгы чөлүгэр түһэриигэ туһуламмыт дьайыылара үөрдэр. Суут быһаарыытынан Экология министиэристибэтин ирдэбиллэрэ сокуоннааҕын бигэргэтиллибитэ ордук суолталаах.
Ойуур бырамыысыланнаһын комплекса Саха сирин экэнэмиичэскэй, социальнай уонна экологическай сайдыытыгар сүрүн оруолу оонньуурун, өрөспүүбүлүкэ бигэ туруктаахтык сайдарыгар кыах биэрэрин бэлиэтиэхпин баҕарабын. Бары интэриэстээх дьону уонна тэрилтэлэри айылҕаны харыстааһын боппуруостарыгар эппиэтинэстээх буоларга ыҥырабыт. Хотугу айылҕабыт харыстабыллаах сыһыаны ирдиир.
Биһиги, СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин бэтэрээннэрэ министиэристибэбит айылҕабытын көмүскүүргэ туһуламмыт көҕүлээһиннэрин өссө даҕаны көхтөөхтүк өйүөхпүт уонна айылҕаны туһанааччылар экология нуормаларын хайдах толороллорун кэтиэхпит-маныахпыт. Маннык дьайыылар сокуону тутуһуу ирдэбилинэн эрэ буолбакка, айылҕа уонна уопсастыба иннигэр эбээһинэс буоларын өйдүөхтээх атын арендатордарга уонна урбаанньыттарга холобур буолара улахан суолталаах!», — диэн Данил Ефремов эттэ.
Дьокуускайга РФ Бырабыыталыстыбатын Бэрэссэдээтэлин солбуйааччы – РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ, «ВОИН»…
Алтынньы 2-5 күннэригэр Азербайджан Ханкенди куоратыгар СНГ дойдуларын III Оонньууларын чэрчитинэн оҕунан ытыыга күрэхтэһии буолан…
Бэҕэһээ, алтынньы 6 күнүгэр, ыраах дистанцияҕа ытыыга үһүс Бүтүн Арассыыйатааҕы турнир чэрчитинэн "Сулус" полигоҥҥа Уһук…
Дьааҥы улууһугар соһуччу көстүбүт хас да көмүү наука эйгэтигэр үөрэтэргэ интэриэһи үөскэтэллэр, онно чинчийэр-көрдүүр үлэлэри…
Бүгүн, алтынньы 7 күнүгэр, Саха сирин бары мэдиссиинэ тэрилтэлэригэр Оҕо күүтэр дьахталлар күннэригэр анаммыт тэрээһиннэр…
Алтынньы 6 күнүгэр күнүс 15:52 чааска сир хамсааһына бэлиэтэннэ. Нерюнгри улууһун Чульман бөһүөлэгиттэн хотугулуу-илин диэки…