Билиҥҥи кэм биир биллэр прозаига, Арассыыйа Суруйааччыларын сойууһун чилиэнэ, СӨ үтүөлээх суруналыыһа, «Чолбон» сурунаал сүрүн эрэдээктэрин солбуйааччы Данил Макеев «Кыргыс толоонугар көрсүһүү» диэн саҥа кинигэтин сүрэхтэниитэ олунньу 6 күнүгэр күнүс 3 чаастан П.А. Ойуунускай аатынан Литературнай мусуойга буолуоҕа.
Билиҥҥи муунтуйуу кэмигэр «Кыргыс толоонугар көрсүһүү» кинигэҕэ киирбит айымньылар кытаанах санааланарга, дойдуга бэриниилээх, хорсун-хоодуот буоларга үтүө холобур буолаллар.
Данил Николаевич хомоҕой тылынан саас-сааһынан уурталаан, сыыйа ис хоһоонун арыйан, кэрэхсэбиллээхтик кэпсиир уратылаах. Кини кэпсээннэрэ дириҥ ис хоһоонноохтор, ааҕааччыны толкуйдаталлар, иэйии кылын таарыйаллар. Сэрии, Аҕа дойдуну көмүскээһин тиэмэтигэр элбэх кэпсээннэрдээх. Тоҕо диэтэр, кини аҕата уонна абаҕалара сэрии уоттаах кыргыһыытын ааспыт дьон эбит, кинилэр кэпсээннэрин истэн улааппыт.
Данил Макеев кэпсээннэрэ үксүгэр дьиҥнээх олохтон ылыллыбыт ис хоһоонноохтор. «Таҥнарыахсыт» сэһэнигэр прототибынан Уус Алдан оройуонун аатрыбыт милиционера Крылов Николай Михайлович буолар. «Ини-биилэр» сэһэҥҥэ бэйэтин аҕатын уонна абаҕаларын туһунан суруйар. «Оҥоһуу» сэһэн үс сыл устата концлааҕырга эрэйи-муҥу көрбүт Алексей Васильевич Андреев ахтыыларынан суруллубут.
Кини нуучча суруйааччыларын айымньыларын эмиэ тылбаастыыр. «Айар» кинигэ кыһатын сорудаҕынан Анна Гончарова кинигэлэрин, Андрей Геласимов «Жажда» сэһэнин тылбаастаабыта.
Бу саҥа кинигэҕэ Иван Бунин, Василий Шукшин, Айдар Халим, татаар суруйааччыта Рустэм Галиуллин Боссоойко туһунан кэпсээнин тылбаастара киирдилэр.
Ааҕааччылар сөбүлүүр суруйааччыларын кытта атах тэпсэн олорон ирэ-хоро кэпсэтэн, кинигэ атыылаһан, илии баттатан ылар кыахтаахтар.
Хаартыска: ulus.media.ru
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…