Данил Павлов хаһаайыстыбата сүөһү аһылыгын бэлэмнээһини көхтөөхтүк ыытар

Данил Павлов салайар КФХ-та сүөһү аһын саппааһын бэлэмнээһин сайыҥҥы үлэтин ситиһиилээхтик түмүктээтэ. Тыа хаһаайыстыбатын оҥорон таһаарыыга эппиэтинэстээхтик сыһыаннаһыы түмүгэр, хаһаайыстыба ааспыт сыллааҕар элбэх аһы бэлэмнээтэ.

Тыа хаһаайыстыбатын отчуотуттан көрдөххө, бу сезонҥа туорахтаах култуурата 164 гектарга, оттон эбии аһылык – 120 гектарга ыһыллыбыт. Бу киэҥ-куоҥ сиртэн өлгөм үүнүүнү ылан, ынах сүөһү төрөлүйэ кыстыырыгар кыах баар буолла диэн СӨ Сири оҥоруу сулууспата иһитиннэрэр.

Сиилэс хаачыстыбатыгар ураты болҕомто ууруллар. Атырдьах ыйын 14 күнүнээҕи туругунан, бэлэмнэниллибит сиилэс кээмэйэ 800 туоннаҕа тиийдэ. Маннык үчүгэй көрдөрүүнү ситиһии, эбии аһылыгы бэлэмнээһин аныгы технологиялар көмөлөрүнэн оҥоһулуннулар: бурдук хомуйар комбайнынан, түөрт «КамАЗ» массыынанан уонна Т-150 мааркалаах трамбуйдуур анал тэрилининэн.

Ону таһынан, тэҥинэн от бэлэмнэнэр. 150 туонна үрдүк хаачыстыбалаах кураанах от оттонно, ол сүөһүнү кыһын толору аһынан хааччыйарга кыаҕы биэрэр. Хаһаайыстыба маннык тэрээһиннээх, таһаарыылах үлэтэ кыстыгы кыһалҕата суох туоруурга бэлэмин уонна кэскилэ сайдыытын туоһулуур. Данил Павлов КФХ-та тыа хаһаайыстыбатын сатабыллаахтык дьаһаныыта уонна эрэгийиэн агропромышленнай комплексын туруктаах сайдыытыгар холобур буолар.