Хаартысканы «ДАРХАН УУС» Саха сирин тимир уустарын сүрүн быыстапкатын тэрийэр кэмитиэтэ тиксэрдэ
Түҥ былыргы номохторго ахтылларынан урааҥхай сахалар өссө соҕуруу дойдуга олорор кыраман сахтарыттан ыла тимир уустарынан сураҕыраллара үһү. Аныгы кэмҥэ өбүгэ бу дириҥ силистээх-мутуктаах үгэһин, идэтин, дьарыгын сөргүтэр, сайыннарар уонна киэҥ эйгэҕэ таһаарар сүрүн түһүлгэнэн «ДАРХАН УУС» тимир уустарын быыстапката буолар.
Быйыл олунньу 23-24 күннэригэр «Куруһаала» эргиэн киинигэр үгэскэ кубулуйбут «ДАРХАН УУС» Саха сирин тимир уустарын сүрүн түһүлгэтэ 13-с төгүлүн ыытыллыаҕа. Бу эрэ күннэргэ сөбүлүү көрбүт оҥоһуккун ханнык баҕарар уустан талан ыларга кыах кимиэхэ баҕарар бэриллэр.
Саха сирин тимир уустарын сүрүн түһүлгэтэ «Уус-уран оҥоһуулаах быһах», «Дэгиттэр быһах», «Бастыҥ ас быһаҕа» хайысхаларга чулууттан чулуулары сүүмэрдээн таһаарыаҕа. «Бастыҥ ас быһаҕа» хайысхаҕа саха төрүт аһын сөргүтээччи Иннокентий Тарбахов 80 сааһыгар ананар, дьүүллүүр сүбэҕэ кини уһуйуллааччылара үлэлиэхтэрэ. Онтон атын хайысхаларга саха быһаҕын аар саарга аатырдыбыт Сарыал Билюкин, Саха сирин тимир уустарын сойууһун бэрэссэдээтэлэ Роман Готовцев-Мындыр Уус, Россия ойуулуур-дьүһүннүүр академиятын чилиэн-кэрэспэдьиэнэ, худуоһунньук Дьулустаан Бойтунов дьүүллүөхтэрэ.
Быыстапканы төрүттээччи күөгэйэр күнүгэр суох буолбут предприниматель уонна меценат Серафим Валерьевич Попов эбит буоллаҕына, сүбэһитэ — Саха сирин тимир уустарын сойууһун бочуоттаах бэрэссэдээтэлэ, Духуобунас академиятын академига, П.А. Ойуунускай аатынан судаарыстыбаннай бириэмийэ лауреата, Саха Өрөспүүбүлүкэтин бочуоттаах гражданина Борис Неустроев-Мандар Уус. Быыстапка тэриллиэҕиттэн саха аатырбыт асчыта, Франция кулинарияҕа академиятын бочуоттаах академига, РФ эргиэнин үтүөлээх үлэһитэ, Өксөкүлээх Өлөксөй аатынан судаарыстыбаннай бириэмийэ лауреата, СӨ бочуоттаах гражданина Иннокентий Тарбахов кыттыһан «Бастыҥ ас быһаҕа» хайысха үүнүн-тэһиинин тутан, ураты суолун тобулбута.
13-с төгүлүн ыытыллар «ДАРХАН УУС» Саха сирин тимир уустарын сүрүн түһүлгэтин ыалдьыттарын саха эстрадатын чаҕылхай сулустарын эҕэрдэтэ, саха төрүт аһын амсайар дьоро түгэн, тыҥааһыннаах күрэс былдьаһыыта күүтэр.
«ДАРХАН УУС» Саха сирин тимир уустарын сүрүн быыстапкатын тэрийэр кэмитиэтэ
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…
Сунтаар улууһун дьаһалтатын, тыа хаһаайыстыбатын, үөрэҕирии, култуура о.д.а. управлениелар үлэһиттэрэ салайааччы Анатолий Григорьев тула түмсэн,…
Алексей Кулаковскай-Өксөкүлээх Өлөксөй саха сайдыытын түстээбит “Саха интеллигенциятыгар суруга” бүгүҥҥү күҥҥэ диэри ким өҥөтүнэн тиийэн…
Бүгүн, сэтинньи 2 күнүгэр, 12 чаас саҕана Госавтоиниспиэксийэ дьуһуурунай чааһыгар Дьокуускай куоракка суол быһылаана тахсыбытын…
Аныгы оҕолор төлөпүөнтэн ордубаттар. Оттон манна кэлэн оҕолор бэйэлэрэ толкуйдаан араас остуол оонньууларын айан таһаараллар.…
Социальнай ситимҥэ ДПС иниспиэктэрдэрэ уонна сүгэлээх киһи хаартыскалата тарҕанна. СӨ Госавтоиниспиэксийэтэ иһитиннэрбитинэн, сэтинньи 1 күнүгэр…