«Дархан Ууска» кимнээх кыайдылар?
Олунньу 22 күнүгэр Дьокуускайга 14-с төгүлүн ыытыллар «Дархан Уус» быыстапка ыытылынна. Бу уустарга дьоһун, бэлиэ түгэн буолар.
Быйылгы быыстапка Саха Өрөспүүбүлүкэтин уонна Таатта улууһун Ытык олохтооҕо, Ойуунускай аатынан судаарыстыбаннай бириэмиэй лауреата, СӨ култууратын үтүөлээх үлэһитэ, Духуобунас академиятын академига, Саха сирин Уустарын сойууһун бочуоттаах бэрэссэдээтэлэ, норуот маастара Борис Неустроев-Мандар Уус 80 сааһыгар ананна.
Таатта улууһун Баайаҕа нэһилиэгин «Мандар Уус» этнологическай музей комплекса ураты оҥоһуктары киллэрэн, аан бастаан көрдөрүүгэ туруорбута болҕомтону тарта. Мандар Уус тус кэллиэксийэтэ көрдөрүүгэ турбута кэрэхсэбиллээх.
Быыстапкаҕа элбэх улуустартан 80-тан тахса уус кытынна. Сыллата саҥа, эдэр уустар тахсан иһэллэрэ үөрдэр. Дьэ, кимнээх кыайдылар?
«Бастыҥ уус-уран быһах» (9 кыттааччы):
- Сандал Мордосов (Дьокуускай);
- Илья Готовцев (Дьокуускай);
- Феликс Шамаев (Таатта).
«Бастыҥ ас быһаҕа» (70 кыттааччы):
- Степан Пахомов (Таатта);
- Гаврил Мохначевскай (Таатта);
- Сергей Петров (Хаҥалас).
«Дэгиттэр быһах» (66 кыттааччы):
- Илья Готовцев (Дьокуускай);
- Валерий Сидоров (Мэҥэ Хаҥалас);
- Родион Шадрин (Мэҥэ Хаҥалас).
Сообщить об опечатке
Текст, который будет отправлен нашим редакторам: