Хаартыска: М.Николаева тиксэриитэ
Бүгүн, муус устар 20 күнүгэр, Дьокуускайга Арчы дьиэтигэр уочараттаах Кыайыы Оһуокайа өрө көтөҕүллүүлээхтик ыытылынна.
Бу тэрээһиҥҥэ Саха сирин үтүөлээх этээччитэ, Ил Дархан Оһуокайга стипендиата Дария Егоровна Алексеева Бэрдьигэстээхтэн анаан-минээн айаннаан кэлэн Кыайыы Оһуокайын таһаарда. Кыайыы Оһуокайыгар Горнайтан төрүттээх Осипова Анна Дмитриевна биир дойдулаахтарын көрсөн үөрбүтүн үллэһиннэ. Түһүлгэҕэ аан бастаан кэлбиттэрин эттилэр. Алта бэтэрээн учуутал Дария Егоровна Оһуокайын олус астыммыттарын, сэргэхсийбиттэрин бэлиэтээтилэр.
Дария Егоровнаны кытары куорат гимназиятыгар бастакы кылааска үөрэнэр, сэттэ саастаах Жанна кэлэн, түһүлгэҕэ аан бастаан оһуокайдаста. Куоракка олорор горнайдар дойдуларыттан сыал-сорук туруорунан, ааттаан-суоллаан кэлэн түһүлгэни тэрийбит, оһуокайы таһаарбыт Дария Егоровнаҕа махтаннылар. Манна даҕатан эттэххэ, Дария Егоровна элбэх оһуокайдьыт ыччаты үөрэтэн-такайан таһаарбыт уонна билигин да үөрэтэ сылдьар ытык киһибитинэн буолар.
Марта Николаева,
Дьокуускай.
Хаартыскалар М.Николаева тиксэриилэрэ
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…