Дьарыктаах буолуу кииннэрин көмөтүнэн 52 байыас туһанна

Сыл саҕаланыытыттан Дьарыктаах буолуу кииннэригэр 52 анал байыаннай дьайыы кыттыылааҕа уонна кинилэр дьиэ кэргэттэрин 33 чилиэнэ тиийбиттэр.

Билигин 89 бэтэрээн уонна 80 кинилэр чилиэннэрэ дьарыктаах буолуу сулууспатыгар учуокка тураллар. Бу туһунан брифинг кэмигэр Саха сирин нэһилиэнньэтин дьарыктаах буолуу киинин салайааччытын бастакы солбуйааччыта Игорь Соловьев иһитиннэрдэ.

«Исписэлиистэр кыһамньыларынан 21 байыас уонна кинилэр дьиэ кэргэттэрин 21 чилиэнэ номнуо үлэни булбуттар. Ордук элбэхтик парашютистар, баһаарынайдар, ону тэҥэ фельдшердэр, харабыллааччылар уонна экономистар курдук идэлэр наадалар. Бырагыырама чэрчитинэн үс бэтэрээн уонна кинилэр дьиэ кэргэттэрин чилиэттэрэ билигин оптуобус суоппарыгар, сыаналаах бородууксуйаны хонтуруоллааччытыгар, социальнай үлэһитигэр уонна да атыттар идэлэри баһылыырга профессиональнай үөрэҕи ааһаллар», — диэн кэпсээтэ Игорь Соловьев.

Өрөспүүбүлүкэ кадровай кииннэрэ Саха сирин тэрилтэлэригэр үлэ усулуобуйатын туһунан консультациялары уонна иһитиннэриилэри тиһигин быспакка ыыталлар. Дьарыктаах буолуу сулууспатыгар үлэҕэ-хамнаска көмө статустан тутулуктааҕын статустан тутулуга суох ыытылларын бэлиэтииллэр.

«Бу хайысхаҕа үлэ бэтэрээннэригэр уонна кинилэр дьиэ кэргэттэригэр муҥутуурөйөбүлү оҥорор инниттэн үлэ салҕаныа», — диэн Игорь Соловьев бэлиэтээтэ. СӨ Нэһилиэнньэтин дьарыктаах буолуутун сулууспата анал байыаннай дьайыы кыттыылаахтарын уонна кинилэр дьиэ кэргэттэрин үлэ-хамнас боппуруостарыгар көхтөөх үлэни салгыыр.