«Дьарыктаах буолууга көмө» бырайыак саҥа идэни баһылыырга көмөлөһөр

«Демография» национальнай бырайыак чэрчитинэн Саха сиригэр биэс эрэгийиэннээҕи суолталаах бырайыак үлэлиир. Бу бырайыактар үбүлээһиннэрин уопсай кээмэйэ 5,7 млрд солк. тэҥнэһэр.

«Финансовая поддержка семей при рождении детей», «Содействие занятости», «Старшее поколение», «Спорт – норма жизни»,  «Укрепление общественного здоровья» бырайыактар оҕо төрөөһүнүн үрдэтиигэ, социальнай суолталаах эбийиэктэри тутууга туһуланаллар.

“Демография” национальнай бырайыак иһинэн ыытыллар «Дьарыктаах буолууга көмө» бырайыак чэрчитинэн,  2023 сыл саҕаланыаҕыттан  Саха сирин 365 олохтооҕо эбии үөрэххэ үөрэммиттэрэ.

Мэҥэ Хаҥалас Балыктааҕыттан сылдьар Елена Кимовна Кычкина соторутааҕыта «Дьарыктаах буолууга көмө» бырайыакка кыттан саҥа идэлэммит.

-Бэйэм сүрүн идэм социальнай педагог, 25 сыл устата Балыктаахха учууталлыыбын. Соторутааҕыта тьютор диэн идэҕэ үөрэнэргэ этии киирбитэ. Бу үөрэҕи бүтэрэн куруһуок, факультатив ыытар кыахтанным, үлэ чааһа эбилиннэ, хамнаһым арыый үрдээтэ. Национальнай бырайыак чэрчитинэн ыытыллар үөрэххэ кыттан элбэҕи эбинним, кыттарга быһарыммыппыттан олус үөрэбин, — диир Еена Кимовна.