Хаартыска: СИА.
Өрөспүүбүлүкэҕэ байыаннай дьайыы кыттыылаахтарын уонна кинилэр дьиэ кэргэттэрин чилиэннэрин өйүүр миэрэлэргэ үлэ салҕанар.
СӨ Бырабыыталыстыбатын Бэрэссэдээтэлин солбуйааччы Георгий Степанов алтынньы 9 күнүгэр брифиҥҥэ иһитиннэрбитинэн, байыаннай дьайыы кыттыылаахтарын дьиэ кэргэттэрин чилиэннэригэр дастабырыанньалары аны байыаннай комиссариаттар туттарыахтара. Дьиэ кэргэн чилиэнин эбэтэр байыаннай дьайыы өлбүт кыттыылааҕын сокуонунан бэрэстэбиитэлин тус сайабылыанньатыгар олоҕуран бэриллэр.
“Төлөбүрү олохтуурга биир кэлим көрүҥнээх бэтэрээн дастабырыанньатын толорор туһунан сибидиэнньэ сөп буолар. Бу чахчылары Арассыыйа Социальнай пуондата дастабырыанньаны биэрбит былаас уорганнарыттан ылыаҕа. Төлөбүрү Арассыыйа Социальнай пуондатыгар чахчыта баар гражданин счетугар төлөнүөҕэ эбэтэр иһитиннэриини хардарыта ылсыы-бэрсии түмүгүнэн”, — диэтэ Георгий Степанов.
Вице-премьер ситэриилээх былаас федеральнай уорганнара социальнай көмөнү ылыы судургу буоларыгар миэрэлэри ылыналлар. Ол курдук, балаҕан ыйын 28 күнүгэр РФ Бырабыыталыстыбата дойду Сэбилэниилээх күүстэригэр сүктэриллибит соруктары толорууга көмөлөһөр тэрилтэлэри кытта хантараак түһэрсибит гражданнар уонна дьайыы кэмигэр өлбүт дьиэ кэргэттэрин чилиэннэрин дастабырыанньаларын биэрии бэрээдэгэр уларытыыны киллэрбитэ.
Ону тэҥэ РФ Бырабыыталыстыбата байыаннай дьайыы зонатыгар кыттар эбэтэр соруктары толорууга көмөлөһөр бойобуой дьайыылар бэтэрээннэригэр харчынан ыйдааҕы төлөбүрү анааһын бэрээдэгин судргутутта.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Ил Дархан Айсен Николаев Алдан оройуонун баһылыгын Александр Шестопаловы кытта көрүстэ. Кэпсэтии кэмигэр өрүттэр муниципалитет…
Бүтүн Арассыыйатааҕы "Улахан этнографическай дьыктаан" сырдатар аахсыйа сэтинньи 1-8 күннэригэр буолуоҕа. Быйыл онус төгүлүн ыытыллар…
РФ бырабыыталыстыбата Тиксии-Найба агломерациятын социальнай-экэнэмиичэскэй сайдыытын кэлим уһун болдьохтоох былаанын бигэргэттэ. Кэлим былаан биир суолталаах…
Бүгүн хара сарсыардаттан, харахпытын хайа тардыахпытыттан социальнай ситимнэринэн, мессенджеринэн: “Эбээ, эһээ” күнүнэн диэн араас хартыыналары,…
Тэрээһин оҕолор олохторун уонна доруобуйаларын харыстыырга, уустук олохтоох дьиэ кэргэттэри буларга уонна оҕону атаҕастааһын түбэлтэлэрин…
Сэтинньи саҥатыгар бырааһынньык күннэрэ түбэһэллэринэн, оҕо босуобуйалара эрдэ түһүөхтэрэ диэн Социальнай пуонда Саха сиринээҕи салаата…