Дьэ, биир улахан түөкүн харытыттан харбаппыт ээ…

Нам улууһун борокуратуурата Москва олохтооҕор тэриллибит холуобунай дьыаланан буруйдааһын түмүгү бигэргэппит. Кини Холуобунай Кодекс 159 ыст. 4 ч. (түөкүннээһин) буруйданар.

Силиэстийэ быһаарбытынан, 2024 сыл от ыйыттан атырдьах ыйыгар диэри биир бөлөх дьон куомуннаһан баран, буруйданааччы манна киирсэр, мобильнай сибээс, Судаарыстыбаннай өҥө, баан уонна быраабы араҥаччылыыр уорган үлэһиттэрэбит диэн куоһурданан дьоҥҥо төлөпүөннээн баран эһиэхэ сыһыаннаах буруйу оҥоруу буолбут диэн сымыйалыыллар эбит. Харчыны “куттала суох счекка” ыыталларыгар эппиттэр. Онон куомуннаһааччылар  Вологодскай, Московскай уонна Псковскай уобаластар, Краснодарскай кыраай, Мордовия уонна Саха Өрөспүүбүлүкэлэрин олохтоохторуттан 28,1 мөл. солк. тахса сууманы уорбуттар.

Маныаха буруйданааччы Сочи куоракка олорон баан каартатын тутааччы быһыытынан эмсэҕэлээччилэртэн киирбит харчыны устар оруоллаах эбит.

Буруйдуур түмүгү бигэргэтии кэнниттэн холуобунай дьыаланы Нам улууһунааҕы суукка көрөргө ыыппыттар.

Силиэстийэ иитинэн уоруллубут харчыны эмсэҕэлээбит дьоҥҥо олоччу төнүннэрбиттэр.

Бу туһунан РФ Генеральнай борокуратууратын саайтыгар суруйаллар. Сиһилии манна ааҕыҥ.