Хаартыска: Андрей Сорокин, СИА
Саха сиригэр олус улахан түөкүннээһиҥҥэ буруйданар тэриллиилээх бөлөх икки чилиэнин туттулар диэн Арассыыйа ИДьМ бэрэстэбиитэлэ Ирина Волк иһитиннэрдэ.
Бу икки түөкүн тэриллиилээх бөлөххө киирэн, харчыны баантан устааччы оруолун толорооччулар эбит. Атын дьоҥҥо оҥоһуллубут баан каарталарын, сим-каарталары ылан, мобильнай сыһыарыы нөҥүө холбоон баран, счет реквизиттэрин куратордарыгар биэрэллэр эбит. Онтон уоруллубут баан счеттарыттан ылан, банкоматтан харчы устан биэрэн баран, куратордарыгар ыыталлар эбит. Күҥҥэ ортотунан 500 тыһыынчаттан 1,5 мөлүйүөн солкуобайга диэри сууманы банкоматтан усталлар. Бу сууматтан кинилэр 1-6 бырыһыанын ылаллар эбит.
Бу түөкүттэр суолларыгар 2023 сыллаахха тахсан, ир суолларын ирдээн барбыттар. Саха сирин, Татарстан уонна Арассыыйа ИДьМ үлэһиттэрэ бииргэ үлэлэһэн, туппуттар.
2023 сыл ыам ыйыгар Дьокуускайга олорор дьахтары албыннаан, түөкүттэр 9 мөлүйүөн солкуобайы уорбуттар. Онтон Саха сирин полицията кинилэр суолларын ирдээн, Москва уобалаһыгар полицейскайдар «түөкүттэр уйаларын» булбуттар. Кыбартыраҕа сим-бокс диэн анал тэриллэри, 3 тыһыынча сим-каартаны, о.д.а. туппуттар.
Бу курдук түөкүттэр 14 эрэгийиэнтэн 25 киһини уопсайа 48 мөлүйүөн солкуобайга албыннаабыттар. Билигин холуобунай дьыала Приволжскай оройуоннааҕы суутугар бэрилиннэ.
Үөһээ Бүлүү улууһун олохтоохторо анал байыаннай дьайыыга сылдьар байыастарга көхтөөхтүк көмөлөһөллөр. Нэдиэлэ аайы улуус булчуттара,…
2024 сыл бэс ыйыгар Сунтаар улууһун Арыылаах сэлиэнньэтин 19 саастаах олохтооҕо ирдэнэр эксээмэннэри туттарбакка эрэ,…
Ааспыт үйэ 90-с сылларыгар Мэҥэ Хаҥалас Бэдьимэтигэр киһи сайдыытыгар ананар чинчийэр үлэ биир түһүмэҕэр “Айылҕа…
Бүгүн Дьокуускай куорат Н.О. Кривошапкин аатынан 5-с №-дээх оскуола дириэктэрэ Алексей Семенов, үлэһиттэрэ Лариса Артемьева…
Нам улууһугар былырыын эмискэ халааннаан, үгүс нэһилиэккэ улахан хоромньуну аҕалбыта. Онон намнар быйыл эрдэттэн сэрэтэр…
Кулун тутар 12 күнүгэр Дьокуускайга суут бириистэбэ-толорооччу уонна алимены ирдииргэ дознаватель рейдэҕэ сылдьыбыттар. Кинилэр Красильников…