Ааптар хаартыскаларга түһэриитэ
СӨ ситэриилээх былааһын отчуотун тириэрдэр соруктаах СӨ Үп миниистирин бастакы солбуйааччы Иван Алексеев оробуочай бөлөҕө Өлүөнэ эбэ устун айаннаан, кытылга олохсуйан олорор Марха, Урицкай, Хоро нэһилиэктэрин олохтоохторугар тиийэн кэллэ.
Айан кэмигэр бөлөх чилиэттэрэ: СӨ Тырааныспарка, суол хаһаайыстыбатыгар министиэристибэтин аналитика үлэтигэр уонна үбүнэн хааччыйыы департаменын салайааччытын собуйааччы Игор Эляков, СӨ масссыына суолларын управлениетын суолу туһаныы отделын начаалынньыгын солбуйааччы Николай Макаров, мэлдьи буоларын курдук, кыһыҥҥы суолу-ииһи, сири-уоту үөрэтэ, сүбэлэһэ айанныыллар. Тоҕо диэтэххэ, Өлүөхүмэ улууһун олохтоохторугар биир тыын боппуруоһунан Өлүөхүмэ — Дьокуускай сылы быһа сылдьар «Умнас» суолу үбүлээһин буолар.
Марха уонна Урицкай олохтоохторугар сайын дебаркадер боппуруоһа эмиэ сытыытык турар. Игорь Эляков быһаарбытынан, уунан айанныыр нэһилиэктэри барыларын тута хааччыйар кыаллыбатынан, быйыл Өлүөнэ очуостара пааркаттан саҕалаан, сайаапкалар бэриллэ тураллар. Саҥыйахтаах дебаркадера өрөмүөҥҥэ турар.
Интэриниэт ситимигэр, оптоволокноҕа быйыл Урицкай холбоммут, онон Мархаҕа холбоноро эмиэ бу кэлбит.
Николай Макаров эппитинэн, Өлүөхүмэ өттүттэн кэлиэхтээх кыһыҥҥы суол билиҥҥитэ судаарыстыбаннай эспэртиисэҕэ сылдьар. Бу бырайыак ороскуота олус улахан. Ол да буоллар, кыра-кыра учаастактарынан сыҕарыйан иһэр. Суол бастаан Балаҕаннаахха диэри оҥоһуллуоҕа.
Тааттаҕа XXII "Манчаары оонньуулара" буолара ахсааннаах күн хаалла. Бу далааһыннаах тэрээһиҥҥэ бэлэмнэнии хайдаҕын дьүүллэстилэр. Тэрээһин…
Ый икки самыырдаах. Ый бүтүүтүн эргин от сыырар (сиэмэтэ көтөр) тыала түһэр. Ый алтыһыыта суох.…
Бу күннэргэ күн-дьыл туруга хайдах эбитий? Күнү-дьылы кэтээн көрөөччүлэр иһитиннэрбиттэринэн, өрөспүүбүлүкэ арҕаа, соҕуруу, киин улуустарыгар,…
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…