Дэбиэринэһинэн биисинэһин салайтарыан сөп дуо?

Дэбиэринэһинэн биисинэһин салайтарыан сөп дуо?

27.11.2022, 14:45
Бөлөххө киир:

Быстах хомуурга ыҥырыллан барбыт байыастар олохторугар-дьаһахтарыгар сыһыаннаах ыйытыыларга хоруйдары “Объясняем.рф” көрүөххэ сөп.

Салайтарыан сөп дуо?

– Байыас дэбиэринэһинэн биисинэһин салайтарыан сөп дуо?

– Быстах хомуурга байыаннай сулууспаҕа ыҥырыллыбыт  урбаанньыттар, ону тэҥэ сала­йааччылар уонна хампаанньалар соҕотох учредителлэрэ дьарыктанар дьыалаларын бас билээччилэринэн буолаллар уонна дэбиэринэстээбит, итэҕэйбит киһилэрин нөҥүө биисинэһинэн дьарык­таныахтарын сөп. Өскөтүн урут байыаннай сулуус­палаах биисинэһинэн дьарыктанара көҥүллэммэт буоллаҕына, билигин быстах хомуурга барбыт киһи салгыы урбаанньыт буолар кыахтаах. Ыҥырыллыбыт биирдэм урбаанньыттар, ону тэҥэ салайааччылар уонна хампаанньаларын соҕотоҕун тэрийбит  учредителлэр  саҥа салайааччыларыгар нотариуһунан дэбиэринэс оҥортороллоругар биэс күннээх уһатыы ылаллар. Бу дэбиэринэһи суһаллык оҥорторуохха эмиэ сөп.

Оччоҕуна хампаанньа уруккутун курдук үлэлиэҕэ, үлэ миэстэлэрэ сарбыллыа суоҕа.

Хайдах ууратыахтаахтарый?

– Быстах хомуурга ыҥырыллыбыттар оннуларыгар ылыллыбыт үлэһиттэри хайдах уураталларый? Кинилэргэ уурайалларын икки ый иннинэ сэрэтэллэр уонна уурайалларыгар иккилии акылаат төлөнөр дуо?

– Үлэһит эбээһинэһин толорор кэмигэр түһэрсиллибит үлэ дуогабара, хомууртан кэлбит киһи үлэҕэ таҕыстаҕына тохтотуллар. Хат буолан уонна төрүү уоппускаҕа сылдьааччы оннугар ылыллыбыт үлэһити кытта көтүрүллэр дуогабар курдук, суһал үлэ дуогабардарын бэрээдэгэ майгынныыр.

Үлэһити кытта бүтэһиктээх аахсыы уурайбыт күнүгэр төлөнөр. Үлэ дуогабарын тохтотор туһунан иһитиннэрии, ону тэҥэ эбии төлөбүрдэр, уурайарыгар “выходной босуобуйа” бу түгэҥҥэ Үлэ кодексатынан көрүллүбэт.

Лента
Салгыы
29 января
  • -45°C
  • Ощущается: -45°Влажность: 57% Скорость ветра: 0 м/с

Сообщить об опечатке

Текст, который будет отправлен нашим редакторам: