Бүлүү улууһугар Дьөккөҥҥө саҥа биэлсэр-акушер пууна баар буолла. Онон олохтоохтор сүргэлэрэ улаханнык көтөҕүлүннэ.
«Бүлүүгэ улахан балыыһа комплексын иккис уочаратын тутуу саҕаланна, Дьөккөҥҥө саҥа биэлсэр-акушер пууна аһылынна. Бу «Доруобуйа харыстабыла» национальнай бырайыагынан мэдиссинэ бастакы сүһүөх звенотун саҥардан оҥоруу бырагырааматынан ыытыллар. Онон нэһилиэк 500 олохтооҕо дьиэлэриттэн тэйбэккэ доруобуйаларын көрдөрүнэр кыахтаннылар«, — диэн бэлиэтиир Айсен Николаев. Бу биэлсэр-акушер пууна социальнай гаастааһын бырагырааматынан гааска босхо холбоммут өрөспүүбүлүкэҕэ бастакы социальнай эбийиэк буоларын эттэ.
П.А.Петров аатынан оройуоннааҕы киин балыыһа кылаабынай бырааһа Егор Григорьев пуун саҥа ньыманан сыл аҥарынан тутуллан бүппүтүн бэлиэтиир. «Манна биэлсэр уонна акушер үлэлиэхтэрэ. Диспансеризация ыытыллыа, көмө, өйөбүл оҥоһуллуо. Табыгастаах усулуобуйа тэриллибититтэн бары да олус үөрдүбүт» , — диэн кылаабынай быраас үөрүүтүн үллэстэр.
Биэлсэр-акушер пуунугар процедурнай уонна быһыыны туруорар хос, биэлсэр хоһо, уо.д.а. баар. Улуус киинигэр, Дьокуускай куоракка сибээстэһэн, кэллиэгэлэриттэн телемэдиссиинэ көмөтүнэн сүбэ-ама ыла олоруохтара.
Саха сиригэр, хоту улуустары киллэрэн туран, 2018 сылтан 74 биэлсэр-акушер пууна уонна амбулатория тутулунна. Бу сыл бүтүөр диэри өссө тоҕус оройуоҥҥа биэлсэр-акушер пууннарын уонна амбулаториялары үлэҕэ киллэрэр былаан баар.
Сиһилии https://www.sakha.gov.ru/news/front/view/id/3366819 ааҕыахха сөп.
СӨ Ил Дарханын уонна Бырабыыталыстыбатын пресс-сулууспата
Балаҕан ыйын 14 күнүгэр ыытыллар Биир кэлим куоластааһын күнүгэр диэри 6 хонук хаалла. Саха сиринээҕи…
Халаантан эмсэҕэлээбит Өймөкөөн уонна Абый улуустарыгар чөлүгэр түһэрии үлэтэ бүтэһик түһүмэҕэр киирдэ диэн sakha.gov.ru иһитиннэрэр.…
Москва куоракка Л.Н. Толстой Куубагын иһин саахымат турнирын иккис түһүмэҕэ ыытылынна. Күрэхтэһии Л.Н. Толстой аатынан…
Балаҕан ыйын 6 күнүгэр Орто Халыма куорат спиннининэн балыктааһыҥҥа бэһис аһаҕас чөмпүйэнээтэ Каменка үрэххэ үрдүк…
Сүбүөкүлэттэн икраны бутербродка биһэргэ эбэтэр сокууска быһыытынан амсайыахха сөп. Тымныытыгар сүбүөкүлэ икрата олус бэртээхэй. Ону…
Дьокуускайга Арассыыйаҕа саамай улахан доруобуйаларынан хааччахтаах оҕолорго аналлаах Адаптивнай үөрэх комплексын үөрүүлээх аһыллыыта буолла. Тэрээһиҥҥэ…