Айаал Дмитриев хаартыскаҕа түһэриитэ
Олохтоох көҕүлээһини өйүүр бырагыраама олоххо киириэҕиттэн биһиги, Дьөккөн олохтоохторо, мэлдьи кыттабыт. Ол курдук, бырагыраама көмөтүнэн нэһилиэкпитигэр Кыайыы болуоссата өрөмүөннэммитэ, сайыҥҥы уу ситимэ тардыллыбыта, уулуссаларбытыгар сырдатар уот ситимэ киирбитэ.
Онон биһиги курдук тыа сирин нэһилиэгэр ППМИ улахан наадалаах бырайыак. Сайыҥҥы уу ситимэ киирэн, быйылгы кураан дьылга оҕуруот аһын, хортуоппуйу, хаппыыстаны үүннэрдибит. Маныаха уу ситимин Афанасий Никифоров иккис сылын бэркэ үлэлэппитигэр махтанабыт. Алдьаныы таҕыста да, тута өрөмүөннээн иһэр. Аны туран, уу баһыыта ыараабыт кэмигэр, нэһилиэк олохтоохторо сезон устата 1500 солкуобайы төлөөммүт, өлгөм үүнүүнү ыллыбыт. Бу дьиэ кэргэн экэниэмикэтигэр баһаам өйөбүл, көмө буолар.
Быйылгы ППМИ мунньаҕар үрдүкү кылаас оҕолорунуун уопсайа 70-тан тахса киһи кытынна. Ол мунньахха СӨ үтүөлээх артыыската Владлена Бурнашова-Сахаайа кэлэн ыллаан-туойан нэһилиэкпитин улаханнык сэргэхситтэ. Онон киниэхэ, саха эстрадатын чаҕйлхай, биллэр-көстөр ырыаһытыгар Сахаайаҕа барҕа махталбытын тириэрдэбит уонна өссө да айымньылаах үлэтигэр ситиһиилэри, дьиэ кэргэнигэр этэҥҥэ буолууну баҕарабыт! Итиэннэ кэтэһэр ырыаһыппытын кэпсэппит дьокутааппытыгар Александр Васильевич Гоголевка, арыаллаан аҕалбыт Мария Ивановна Павловаҕа, сымнаҕас айаннаах, сыыдам сырыылаах суоппарга уонна нэһилиэкпит бары тэрилтэлэрин үлэһиттэригэр «Бары бииргэ!» аахсыйаҕа кыттыһан бэртээхэй кэнсиэри көрбүппүтүгэр барҕа махтал бастыҥын ыытабын!
Бу күн элбэх киһи мустан нэһилиэкпитигэр суолталаах боппуруос аҥаара быһаарыллар турукка киирдэ. Ол курдук, куйаар ситиминэн куоластааһыҥҥа 136 киһи кыттан, урукку ыһыахтыыр сиргэ — успуорт былаһааккатын күрүөтүн өрөмүөннүүргэ, сүүрэр анал ыллык ылыытыгар куоластааһын кыайда. Билигин дьаһалтабыт үлэһиттэрэ докумуону толорон ыыталлара хаалла.
Эһиил нэһилиэкпит үбүлүөйэ — 255 сыла. Ону таһынан, революционердартан биирдэстэрэ, үөрэх, доруобуйа, атыы-эргиэн народнай комиссардарынан уонна Москуба куоракка бастайааннай бэрэстэбиитэлинэн, Совнарком бэрэссэдээтэлин солбуйааччынан, өрөспүүбүлүкэ борокуруорунан үлэлээбит биир дойдулаахпыт Степан Филиппович Гоголев 2026 сылга төрөөбүтэ 130 сылын туолар.
Онон улахан үлэ-хамнас ыытылларыгар эрэлбит улахан. Нэһилиэкпит чэчирии сайдарын туһугар бары кыһаллыахтаахпыт, кылааппытын киллэриэхтээхпит!
Альбина Ионова,
Дьөккөн.
Айаал Дмитриев хаартыскаларга түһэриитэ
Биир аҕа уолугар: “Ити чап-чараас бачыыҥкалаах дьону үтүктүмэ, кинилэр кыһыҥҥы тоһуттар тымныыга атахтарын таҥаһыгар сылаас,…
Аҕа дойду Улуу сэриитин кыттыылааҕа, буойун учуутал А.Е. Макаров суруйан хаалларбыт ахтыыларын кэрэхсээн аахтым. Афанасий…
Бүгүн, сэтинньи 9 күнүгэр, "Россия 24" телеханаалга 19.00 чаастан ГТРК "Саха" бырайыагын — "Вместе с…
Биһиэхэ ааҕааччыларбытыттан ыйытыылар, сүбэлэр-амалар киирэллэр. Күөмэй ыарыытыттан туох туһалыырый? Онуоха маннык сүбэни биэрэллэр. Биир ааҕааччыбыт…
Үлэ чааһа бүтэн, тыаһа-ууһа суох хомунан дьиэлээтим. Аара сэттэ маҕаһыыны кэрийэн, сэниэм эстэ сыһан хата…
Ыал буолбуттара 20, 30, 40, 50 сыл буолбут диэн сонуну бары сэргии, үөрэ-көтө истээччибит. Олортон…