Хаартыска: ТАСС.
Муус устар 2 күнүгэр Санкт-Петербурга кафеҕа байыаннай кэрэспэдьиэн, блогер Владлен Татарскайы кытта көрсүһүү буола турдаҕына, буомба эстибитэ. Татарскай өлбүтэ, 33 киһи эчэйбитэ. Кинилэртэн 8 киһи ыарахан туруктаах. Буомбаны аҕалбыт кыыһы нөҥүө күнүгэр туппуттара.
Кини Татарскайга бэлэх быһыытынан статуэтканы аҕалбыт, ол иһигэр буомба баар эбит. Туттаран баран, тэйиччи баран олорбут. Туттарыы уонна дэлби тэбии түгэнэ видеоҕа уһуллубут. Бу кэнниттэн 26 саастаах Дарья Трепова куотан тахсан, массыыналары уларыта-уларыта, куортамнаабыт дьиэтигэр кэлэн саспыт. Оперативниктар кини бу барбытын камераларынан көрөн, террористканы булан ыллылар.
Сиэбигэр Узбекистаҥҥа көтөр билиэттээх эбит. Бу иннинэ Грузияҕа олорбут. Питергэ анал сорудаҕынан көтөн кэлбит. Оттон кэргэнэ быстах хомууртан куотан, Узбекистаҥҥа олорор. Кинилэр иккиэн былырыын сэриини утарар миитиҥҥэ кыттан, 10 хонукка хаайылла сылдьыбыттар эбит. Трепова Хоруупсуйаны утары охсуһар пуонда (омук ааҕынын быһыытынан ааҕыллан, Арассыыйаҕа бобуллубут тэрилтэ) көхтөөх кыттааччыта эбит. Доппуруос кэмигэр кэнники кэмҥэ Украинаҕа үлэлии ыҥырбыттарын билиммит.
Силиэстийэлиир кэмитиэт бу холуобунай дьыаланы терроризм диэн иһитиннэрии оҥордо. Тоҕо диэтэр, дэлби тэбии кэмигэр чугас баар дьон эмсэҕэлииллэрин билэ-билэ оҥорбуттар, кинилэр туохтан да иҥнибэттэр. Кэмитиэт бу дэлби тэбиини Украинаттан былааннаан, тэрийэн оҥорторбуттар диэн информацияны бигэргэттэ.
Арассыыйа Национальнай терроризмы утары охсуһар кэмитиэтэ эмиэ Украина анал сулууспалара Татарскайы өлөрүүгэ кыттыгастаахтар диэн иһитиннэрдэ.
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…