Хаартыска: ааптар тиксэриитэ
Сунтаар Кутанатыгар Валентина Григорьевна Дьячковская-Хара Көмүс диэн суруйааччы, СӨ Суруйааччыларын сойууһун чилиэнэ олорор.
Тохсунньу 13 күнүгэр П.Ойуунускай аатынан литература мусуойугар кини түөрт дьоһуннаах кинигэтин (ол иһигэр, “Куорсун аспыт Бүлүүбүт кыһатыгар”, Чалыкушу”, “Күүтүллүбэтэх күндү тыллар”) сүрэхтиир далааһыннаах тэрээһинэ буолла.
Валентина Дьячковская бэйэтэ сүүрэн-көтөн, үс түһүмэхтээн, киһи эрэ сөҕүөн-махтайыан, сүргэтэ көтөҕүллүөн курдук ис сүрэҕиттэн дьоро түгэни тэрийэн, олоҕор бииргэ алтыспыт, айбыт-туппут, айар куттаах доҕотторун мунньан, барыларын матарбакка кинигэлэрин, бэйэ оҥоһуга кэрэ бэлэхтэрин, эмтээх отторун, хатыҥ чээрэтигэр, этиҥ түспүт маһыттан тырыыҥкатыгар тиийэ туттартаан, сахалыы астаах-үөллээх сандалыга күндүлээн-маанылаан, умнуллубат көрсүһүүнү тэрийдэ.
Биир да тэрилтэҕэ сигэммэккэ, тойоҥҥо-хотуҥҥа сүгүрүйбэккэ, бэйэтин күүстээх санаатынан, тэрийэр сатабылынан, дэлэгэй майгытынан бу маннык үрдүк таһымнаах тэрээһини, ыраахтан айаннаан кэлэн, анаан-минээн оҥорон сөхтөрдө.
Мин кыыспар Наталия Асамоваҕа икки кинигэтин таҥан оҥорбутугар махталын биллэрдэ.
Манна эбэн эттэххэ, Валентина Григорьевна байыаннай эпэрээссийэҕэ сылдьааччылары өйүүр “Якутия с тобой” диэн уопсастыбаннай хамсааһыҥҥа кыттан, бэйэтин улахан кылаатын киллэрсэ сылдьар. Кини курдук үтүө сүрэхтээх, патриот дьон көмөтүнэн бу штаб олус туһалаах үлэни ыытар. Анараа суоһар кирбиигэ сылдьар оҕолорбут санааларын көтөҕөргө, «дойдугут, дьоҥҥут эһигини кытары бииргэлэр» диэн өйдөбүлү үөскэтэргэ түбүктээх уонна түмүктээх үлэни көрсөллөр. Уолаттарбыт барахсаттарга гуманитарнай көмө тиийэ турар, уоппускаҕа кэлбиттэр уонна мантан саҥа барааччылар эмиэ бу штабтан алгыстанан, таҥнан-саптан бараллар.
Саргылана СПИРИДОНОВА-КЭРЭМЭС КИЙИИТЭ
Бүгүн, ыам ыйын 18 күнүгэр, өрөспүүбүлүкэ хоту өттүгэр инчэҕэй хаар түһэрэ сабаҕаланар. Халымаҕа, арҕаа оройуоннарга …
Бүгүн, ыам ыйын 17 күнүгэр, Амма улууһугар Олоҥхо ыһыаҕын тэрийэр кэмитиэт мунньахтаата. СӨ Бырабыыталыстыбатын бэрэссэдээтэлин…
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак…
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…