Хаартыска: ааптар тиксэриитэ
Сунтаар Кутанатыгар Валентина Григорьевна Дьячковская-Хара Көмүс диэн суруйааччы, СӨ Суруйааччыларын сойууһун чилиэнэ олорор.
Тохсунньу 13 күнүгэр П.Ойуунускай аатынан литература мусуойугар кини түөрт дьоһуннаах кинигэтин (ол иһигэр, “Куорсун аспыт Бүлүүбүт кыһатыгар”, Чалыкушу”, “Күүтүллүбэтэх күндү тыллар”) сүрэхтиир далааһыннаах тэрээһинэ буолла.
Валентина Дьячковская бэйэтэ сүүрэн-көтөн, үс түһүмэхтээн, киһи эрэ сөҕүөн-махтайыан, сүргэтэ көтөҕүллүөн курдук ис сүрэҕиттэн дьоро түгэни тэрийэн, олоҕор бииргэ алтыспыт, айбыт-туппут, айар куттаах доҕотторун мунньан, барыларын матарбакка кинигэлэрин, бэйэ оҥоһуга кэрэ бэлэхтэрин, эмтээх отторун, хатыҥ чээрэтигэр, этиҥ түспүт маһыттан тырыыҥкатыгар тиийэ туттартаан, сахалыы астаах-үөллээх сандалыга күндүлээн-маанылаан, умнуллубат көрсүһүүнү тэрийдэ.
Биир да тэрилтэҕэ сигэммэккэ, тойоҥҥо-хотуҥҥа сүгүрүйбэккэ, бэйэтин күүстээх санаатынан, тэрийэр сатабылынан, дэлэгэй майгытынан бу маннык үрдүк таһымнаах тэрээһини, ыраахтан айаннаан кэлэн, анаан-минээн оҥорон сөхтөрдө.
Мин кыыспар Наталия Асамоваҕа икки кинигэтин таҥан оҥорбутугар махталын биллэрдэ.
Манна эбэн эттэххэ, Валентина Григорьевна байыаннай эпэрээссийэҕэ сылдьааччылары өйүүр “Якутия с тобой” диэн уопсастыбаннай хамсааһыҥҥа кыттан, бэйэтин улахан кылаатын киллэрсэ сылдьар. Кини курдук үтүө сүрэхтээх, патриот дьон көмөтүнэн бу штаб олус туһалаах үлэни ыытар. Анараа суоһар кирбиигэ сылдьар оҕолорбут санааларын көтөҕөргө, «дойдугут, дьоҥҥут эһигини кытары бииргэлэр» диэн өйдөбүлү үөскэтэргэ түбүктээх уонна түмүктээх үлэни көрсөллөр. Уолаттарбыт барахсаттарга гуманитарнай көмө тиийэ турар, уоппускаҕа кэлбиттэр уонна мантан саҥа барааччылар эмиэ бу штабтан алгыстанан, таҥнан-саптан бараллар.
Саргылана СПИРИДОНОВА-КЭРЭМЭС КИЙИИТЭ
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…