«Дэлэй» атыы дьиэтиттэн баһаарынайдар дьону таһаарбыттар

Бүгүн, олунньу 15 күнүгэр, Дьокуускайга “Дэлэй” атыы дьиэтиттэн суһал ыҥырыы киирэн, баһаарынай массыыналар бу аадырыска тиэтэлинэн тиийбиттэр.

Маҕаһыыҥҥа баар дьон куттала суох сиргэ тахсыбыттар. ЫБМ министиэристибэтин пресс-сулууспата иһитиннэрбитинэн, барыта 60-ча киһи таһырдьа тахсыбыт. Атыы дьиэтин иһигэр уот ситимэ саҕыллан, суһал ыҥырыыны оҥорбуттар. Хата, барыта этэҥҥэ ааспыт. Ыксаллаах түгэҥҥэ дьон уолуйбакка, үтүрүйсүбэккэ таһырдьа түргэнник тахсыбыттара үөрдэр.