Хаартыска sakha.gov.ru ылылынна.
«Демография» национальнай бырайыагынан Дьокуускайга сабыылаах хаҥкылыыр сир уонна Бүлүү улууһугар Кыһыл Сыырга успуорт саалата тутуллаллар. Бу тутуулары 2024 сылга түмүктээн олоххо киллэрэр былааннаахтар.
«Успуорт — олох нуормата» федеральнай бырайыак олоххо киириитинэн бүгүн, алтынньы 19 күнүгэр, СӨ Бырабыыталыстыбатыгар мунньах буолла. Сүбэ мунньаҕы СӨ вице-премьерэ Сергей Местников салайан ыытта. СӨ Тутууга министиэристибэтэ иһитиннэрэринэн, быйыл сыл бүтүөр диэри Дьокуускайга уонна Кыһыл Сыырга бу тутуулар үлэлэрэ 30 %-ҥа тиэрдиллиэхтээх. Оттон эһиил үлэҕэ киллэриллиэхтээхтэр.
Билиҥҥитэ сабыылаах катогу тутуу — 16%, Кыһыл Сыырга успуорт саалатын тутуу 25% бэлэмнэр. Кыһыҥҥы тымныыларга диэри тутуу үлэтэ салҕанар.
Сергей Местников Бүлүү оройуонун салалтата бу тутуу хаамыытын хонтуруоллуохтаах диэн тоһоҕолоон эттэ. Кини муниципалитет салалтата итини сэргэ, эбийиэк үлэҕэ киирбитин кэнниттэн салгыы тутан олорор боппуруоһу быһаарыахтааҕын бэлиэтээтэ.
—Саха сирин дьоно көхтөөх олоҕу ордороллор, успуорду сөбүлүүллэр. «Успуорт — олох нуормата» федеральнай бырайыак көмөтүнэн физкултууранан уонна успуордунан утумнаахтык дьарыктанар дьон ахсааннара лаппа элбиирин ситистибит. 2022 сыллаахха 39 бырыһыан эбит буоллаҕына, 2023 сылга 55 %- ҥа тиэртибит. Өрөспүүбүлүкэбитигэр 102 успуорт араас көрүҥэ сайдар, успуорт 75 федерацията үлэлиир. Кэнники биэс сылга өрөспүүбүлүкэҕэ успуорт 32 эбийиэгэ тутулунна. Куораттарга уонна сэлиэнньэлэргэ баар элбэх функциялаах эбийиэктэри таһынан, хас биирдии тиэргэҥҥэ, искибиэргэ, пааркаҕа успуордунан дьарыктанар былаһааккалар баар буолалларыгар кыһаллабыт«, — диэн Ил Дархан Айсен Николаев бэлиэтээн турар.
Санатан эттэххэ, 2023 сыл балаҕан ыйыгар Уус Алдан улууһугар Бороҕоҥҥо «Демография» национальнай бырайыагы олоххо киллэрии чэрчитинэн, Н.Н.Тарскай аатынан элбэх хайысхалаах успуорт дыбарыаһа аһыллыбыта. Успуорт комплексыгар дьарыктанар саала, толкуйдуур дьоҕуру сайыннарар спортивнай оонньуулар хосторо, дьон олорон көрөр миэстэлээх, 200 м сүүрэр сирдээх успуорт саалата, волейбол, баскетбол оонньуур сирдээх, уо.д.а. баар. Маны сэргэ, скалодром, остуол тенниһинэн, сүүрүүнэн дьарыктанар, аэробикалыыр саалалардаах.
Сиһилии https://www.sakha.gov.ru/news/front/view/id/3374526 манна киирэн ааҕыҥ.
СӨ Ил Дарханын уонна Бырабыыталыстыбатын пресс-сулууспата
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …
ИДьМ Дьокуускайдааҕы салаатын полиция 1-кы нүөмэрдээх отделыгар куорат олохтооҕо чааһынай дьиэтиттэн 66 тыһ. солк. суумалаах…
Инбэлииттэргэ уонна инбэлиит оҕолоох дьиэ кэргэттэргэ араас өрүттээх көмө оҥоһуллар. СӨ Үлэҕэ уонна социальнай сайдыыга …