Хаартыска: Андрей Сорокин, СИА.
Саха сиригэр “Демография” национальнай бырайыак иитинэн чааһынай тэрилтэлэргэ уонна урбаанньыттарга федеральнай субсидияны көрөргө сүүмэрдиир куонкурус түмүктэннэ. Куонкурус түмүгүнэн Дьокуускай куорат 26 аччыгый уонна орто урбаанньыттара 1,5-3 диэри саастаах оҕолорго 300 эбии миэстэни таһаарарга 37 мөл. солк. ылыахтара.
Чааһынай уһуйааннар субсидияны туһаналларыгар биир усулуобуйанан, төрөппүт төлөбүрэ судаарыстыбаннай уонна муниципальнай уһуйааннар муҥутуур үрдүк кээмэйдэриттэн улахан буолуо суохтаах. Дьокуускай куорат чааһынай уһуйааннарыгар тэриллэр эбии миэстэлэргэ судаарыстыбаннай уонна чааһынай оҕо саадтарыгар уочаракка турар оҕолор хапсыахтарын сөп. Бу туһунан СӨ Үөрэҕин уонна билимин министиэристибэтин саайтыгар суруллар.
Ылбыт субсидияларын чааһынай уһуйааннар саҥа бөлөхтөрү материальнай-тиэхиньиичэскэй өттүнэн хааччыйарга, оҕону үөрэтэр уонна иитэр тэрили ыларга туһаныахтарын сөп.
Санатан эттэххэ, Саха Өрөспүүбүлүкэтигэр чааһынай уһуйааннарга субсидия көрүллүүтүн куонкуруһа номнуо төрдүс төгүлүн ыытыллар. Чааһынай уһуйааннар субсидиялаах миэстэлэргэ 1,5-3 саастаах 1745 оҕону эбии ылан, судаарыстыбаттан 129 мөл. солк. туһаммыттара. Аччыгый уонна орто урбаанньыттартан элбэх миэстэлээх сайаапкалар киирэллэринэн сибээстээн, СӨ Бырабыыталыстыбата дойду Үөрэҕириигэ министиэристибэтигэр эбии үбүлээһини көрөр туһунан сурук ыыппыттара. РФ Бырабыыталыстыбатын 2023 сыл муус устар 18 күнүнээҕи 971 нүөмэрдээх дьаһалынан, быйыл 1,5-3 диэри саастаах оҕолорго 96 миэстэни тэрийэргэ эбии 11,7 мөл. солк. үп көрүлүннэ.
Арассыыйа национальнай бырайыактарын дойду бэрэсидьиэнэ Владимир Путин 2018 сыллаахха бэйэтин ыйааҕынан бигэргэппитэ. Кинилэр соруктара – судаарыстыба социальнай-экэнэмиичэскэй сайдыытын хааччыйыы, дьон олоҕун таһымын үрдэтии, хас биирдии киһи сайдарыгар уонна талаана арылларыгар усулуобуйа тэрийии.
“Демография” национальнай бырайыак баар буолан, Саха Өрөспүүбүлүкэтигэр оҕо саадтара тутуллаллар, чааһынай уһуйааннарга үөрэх хаачыстыбата тупсар.
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…
Сэтинньи 4 күнүттэн Дьокуускайга элбэх оҕолоох ыаллар 1-11 кылаастарга үөрэнэр оҕолоро босхо айанныахтара. Ол туһунан…
Тэрээһиҥҥэ Жатайдааҕы суудунаны тутар тэрилтэ генеральнай дириэктэрэ Влад Михайлович Пермяков, Жатайдааҕы тиэхиньикум дириэктэрэ Владимир Иванович…
Бырабыыталыстыба Бэрэссэдээтэлэ Кирилл Бычков туһааннаах структуралары уонна тиэйээччилэри кытта мунньахха “Жатай-Төхтүр” туорааһынын түргэтэтэргэ соруйда. Билигин…
Бүгүн Дьокуускай куорат олохтоохторо Хомсомуол болуоссатыгар тоҕуорустулар. Манна үс күн устата, алтынньы 25-27 күннэригэр “Рыба…