Хаартыска: sakha.gov.ru
Алтынньы 1 күнүгэр, Аҕам саастаах дьон аан дойдутааҕы күннэригэр, сааһырбыт көлүөнэҕэ анаан бастыҥ быраактыкалары талар Бүтүн Арассыыйатааҕы саҥа сезон саҕаланна (Көхтөөх уһун саастаныы – 2024). Саҥа сезон “Демография” нацбырайыагынан РФ Үлэҕэ уонна социальнай көмүскэлгэ министиэристибэтин кытта бииргэ “Национальные приоритеты” АНО тэрийиитинэн барар, диэн иһитиннэрэр Ил Дархан, Бырабыыталыстыба пресс-сулууспата.
Куонкурустаах талан ылан кытыннарыыга эрэгийиэннээҕи салалта хамаандалара, социальнай көрүү-истии тэрилтэлэрэ, биисинэс уонна кэммиэрчэскэйэ суох сектор бэрэстэбиитэллэрэ ыҥырыллаллар. 10 кыайыылаах 500-түү тыһ. солк. ылыаҕа, бастыҥ үлэлэр тарҕатарга мэктиэлэниэхтэрэ итиэннэ информационнай өйөбүлү ылыахтара.
Кыттарга сайаапканы 2024 сыл сэтинньи 1 күнүгэр диэри “Смартека” стратегическай көҕүлээһин ааҕыныстыбатын платформатыгар биэс хайысхаттан бииригэр биэриэххитин сөп: чөл олох; көхтөөх олох: култуура, туризм, волонтердааһын; үөрэхтээһин уонна дьарыктаах буолуу; мэдиссиинискэй уонна социальнай көрүү-харайыы, уопсастыбаннай үлэ уонна сэрэтэр үлэ; 60+ саастаах эр дьоҥҥо аналлаах быраактыка.
Финалга тахсыбыттар 2025 сыл тохсунньутугар быһаарыллыахтара, кыайыылаахтары 2025 сыл кулун тутар ый бүтүөр диэри биллэриэхтэрэ. Талан ылыы сүрүн сыала – саастаах көлүөнэ олоҕун хаачыстыбатын үрдэтиигэ анаан усулуобуйаны тэрийии, көхтөөх уһун үйэлэнии кэнсиэпсийэтин Арассыыйа эрэгийиэннэригэр тарҕатыы.
“”Көхтөөх уһун үйэлэнии” бырагыраама чэрчитинэн сыллата бастыҥ бырайыактарга куонкурус ыытыллар. Биһиги көрөрбүтүнэн, олоххо киирбит көҕүлээһиннэр ахсааннара эрэ эбиллибэт, хаачыстыбалара эмиэ тупсан иһэр”, — диир РФ Үлэҕэ уонна социальнай көмүскэлгэ миниистирэ Ольга Баталина.
2023 сыллаахха Арассыыйа 73 эрэгийиэниттэн 1081 быраактыка ааптара кыттыбыт, ол иһигэр Саха сириттэн 10 киһи. Финалга 112 быраактыка тахсыбыт, олор бары “Смартека” платформаҕа бэчээттэнэн тарҕатыллыбыттар.
Сайаапканы “Смартека” АСИ платформатыгар биэриэххитин сөп: https://smarteka.com/contest/dolgoletiye-2024
Госдуума элбэх оҕолоох ыалларга юридическай көмө босхо буолуохтааҕын туһунан сокуон бырайыагын бастакы ааҕыыга ылынна. Көмөнү үс…
А.С.Пушкин аатынан Нуучча тылын судаарыстыбаннай института 2024 сыл тылынан "Пушкин" диэн тылы ааттаата. Бу туһунан…
Бүгүн «Дьиэҕэ төннүү» сэминээргэ анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта сөптөөх…
РФ Бэрэсидьиэнэ Владимир Путин норуокка туһаайан этиитигэр бастакытын "Орешник" диэн саҥа комплекс туһунан иһитиннэрдэ. Кини…
2024 сылга "Култуура" национальнай бырайыагынан 5 муниципальнай модельнай бибилэтиэкэлэри киллэрдилэр. Бу иннинэ 35 маннык бибилэтиэкэни…
Cахалыы тыллаах саамай кырдьаҕас "Чолбон" сурунаал сэтинньитээҕи нүөмэригэр кэрэхсээҥ: Саха сирин суруйааччыларын сойууһун 90 сылын…