Демографияҕа, дьиэ кэргэн бэлиитикэтигэр Саха сирэ бастыҥынан ааттанна
21.05.2024, 20:00
Хаартыска: Үлэ, социальнай сайдыы министиэристибэтэ.
Бөлөххө киир:
Саха сирэ Уһук Илин уокуругар демографическай уонна дьиэ кэргэн бэлиитикэтигэр биир бастыҥынан ааттанна. Бу туһунан Уһук Илини, Арктиканы социальнай сайыннарыы департаменын дириэктэрэ Григорий Смоляк иһитиннэрдэ.
Ыам ыйын 14 күнүгэр Уһук Илин уокуругун састаабыгар киирэр эрэгийиэннэр нэһилиэнньэлэрин ахсаанын билгэлээһиҥҥэ методологическай сэминээр ыытыллыбыт.
Бу сэминээргэ Григорий Викторович Саха Өрөспүүбүлүкэтэ уонна Сахалин уобалаһа демографическай уонна дьиэ кэргэн бэлиитикэтигэр бастыҥ көрдөрүүлээхтэрин, үчүгэй уопуттаахтарын бэлиэтээтэ. Онон төрөөһүнү үрдэтэргэ, киһи үйэтин уһатарга Саха сирин уонна Сахалин уопутун туһанарга ыҥырда.
Саха сирин нэһилиэнньэтин уонунан сылларга ситиһиллибэтэх мөлүйүөн ахсаанын куоһарарга элбэх социальнай көмө миэрэлэрэ, тиһиктээх үлэ төһүү буолбута саарбаҕа суох. Ол Дьиэ кэргэн сылыгар бэлиэтэммитэ кэрэхсэбиллээх.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: