Хаартыска: Мария Васильева
Демография уонна дьиэ кэргэн бэлиитикэтин көрдөрүүлэрин муҥутуур тупсарбыт улууска 10 мөлүйүөн солкуобай суумалаах Ил Дархан грана олохтонно диэн Үлэ, социальнай сайдыы министиэристибэтэ иһитиннэрэр. Бу хас биирдии улууска дьиэ кэргэн сыаннастарын, оҕо төрөөһүнүн, ийэ-аҕа буолууну, кырдьаҕастарга ытыктабыллаах сыһыаны бөҕөргөтөр үлэни көҕүлүүр туһуттан ылыныллыбыт миэрэ.
Арассыыйаҕа Дьиэ кэргэн сылыгар, Саха сиригэр Оҕо саас сылыгар тохсунньу 1 күнүттэн оҕо төрөөһүнүн көҕүлүүр саҥа миэрэлэр киирдилэр:
— Өрөспүүбүлүкэтээҕи ийэ хапытаалын суумата икки төгүл үрдээн, 300 тыһыынча солкуобайга тэҥнэстэ;
— 25 саастарын туола илик эдэр дьон аан бастаан ыал буолалларыгар 50 тыһыынча солкуобай төлөнүөҕэ.
«100 сыл оҕолоро» хапытаал өссө биэс сылга уһаан, суумата үрдээн биэрдэ, 110 тыһыынча солкуобайга тэҥнэстэ. Мантан да атын бырагыраамалар оҕолоох дьиэ кэргэттэргэ көмө буолаллар.
Бүгүҥҥү күҥҥэ демографияҕа уонна дьиэ кэргэҥҥэ судаарыстыбаннай бэлиитикэ ыал материальнай балаһыанньатын бөҕөргөтөргө эрэ буолбатах, оҕону иитиигэ төрөппүт эппиэтинэһин үрдэтиигэ, чөл олоҕу тутуһарга, дьиэ кэргэн үгэстэрин, сыаннастарын тарҕатарга эмиэ туһуланар.
Үүнэр сылтан НДС уонна дьиэ-уот тарыыптара үрдүүллэр, МРОТ, биэнсийэ уонна тиийинэн олоруу алын кээмэйэ улаатар.…
Саҥа дьыл бырааһынньыгын көрсө, Дьокуускай куорат биир биллиилээх эрэстэрээнэ үгэс буолбут «Саҕынньахтаах селедка» салааты саха…
Омугуттан тутулуга суох бэйэ төрөөбүт тылын билии — олох сүрүн ирдэбилэ. Ааһа баран, элбэх тылы…
Өрөбүл сарсыарда Дьокуускайга Каландаришвили уулуссаҕа турар икки этээстээх олорор дьиэҕэ баһаар тахсыбыт. Быһылаан тахсыбыт сириттэн…
Кыһын дьиэ үүнээйилэрэ мэлдьи эрэйдэнэллэр, сэбирдэхтэрэ саһарар уонна түһэр диэн «Ученый агроном» ханаал ааптара суруйар.…
Айсен Николаев Саха Өрөспүүбүлүкэтин Бастакы Бэрэсидьиэнин оскуолаларын ситимин сайыннарыы боппуруостарыгар мунньах ыытта. Көрсүһүүгэ бэрэсидьиэн оскуолаларын…