СИА. Мария Васильева хаартыската
Демографияны тупсарыы өттүгэр Саха сирэ эмиэ инники күөҥҥэ сылдьар. Оҕо төрөөһүнүгэр өрөспүүбүлүкэ Уһук Илин бастакы, дойду үрдүнэн сэттис миэстэҕэ турар.
2017 сылы кытары тэҥнээтэххэ, 31,9 тыһыынча киһинэн нэһилиэнньэ элбээтэ. Оҕо төрөөһүнүгэр Уһук Илиҥҥэ, биллэн турар, бастакыбыт, оттон дойду үрдүнэн сэттис миэстэҕэ сылдьабыт. Аны туран, Уһук Илин эрэгийиэни олохсутуу бырагырааматынан, үлэ миграциятынан кэнники сылларга Саха сиригэр элбэх киһи кэллэ.
Сөптөөх үлэ баран, бырагыраамалар ылылланнар, ааспыт сылга 2017 сылы кытары тэҥнээтэххэ, үлэтэ суох буолуу көрдөрүүтэ 7,1% кыччаабыт, ол эбэтэр 1,9 тыһыынча үлэ булбут. Орто хамнас эмиэ ааспыт сылга, ол иннинээҕи сылы кытары тэҥнээтэххэ 13,3% үрдээбит. Нэһилиэнньэ дьиҥнээх дохуота 1,9% үрдээтэ.
Санатар буоллахха, Саха сирэ Уһук Илиҥҥи федеральнай уокурукка олохтоохторун ахсаана элбии турар соҕотох эрэгийиэнинэн буолар. Саха сирин демографиятын РФ бэрэсидьиэнэ Владимир Путин хайҕаабыта. Маны Судаарыстыбаннай консалтинг департаменын салайааччы Григорий Добромелов этэринэн, төрүт үгэстэри уонна ыччаты өйүүр бэлиитикэ үтүөтүнэн эрэгийиэн үчүгэй көрдөрүүлээх. «Арассыыйа сүрүн болҕомтону дьиэ кэргэҥҥэ уурар. Бу туһунан РФ бэрэсидьиэнэ Владимир Путин этэр. Сиэр-майгы, духуобунай сыаннастары үйэтитиигэ уонна бөҕөргөтүүгэ судаарыстыбаннай бэлиитикэ олуга мээнэҕэ ылыллыбатахтара. Саха сирэ маны ыччат уонна социальнай бэлиитикэ хайысхатыгар сайыннарар уонна үксэтэр. Ол түмүгэр, ыччат инникитин саныыр, демографиескай көрдөрүү үрдүүр. Айсен Николаев Николаев хамаандата өрөспүүбүлүкэ инникитин сөпкө ойуулаата», — диэн политолог бэлиэтиир.
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…