Хаартыска: Ил Дархан пресс-сулууспата
Донецкай Норуодунай Өрөспүүбүлүкэ Докучаевскай куоратын уокуругун Еленовка бөһүөлэгэр Элбэх хайысхалаах киин (МФЦ) аһылынна. Киин дьиэтин шефтэһэр эрэгийиэн – Саха сирин исписэлиистэрэ өрөмүөннээбиттэрэ.
«Шефтэһэр эрэгийиэммит Саха Өрөспүүбүлүкэтэ, мэлдьи буоларын курдук, өрөмүөнү хаачыстыбалаахтык уонна кэрэ көстүүлээн оҥорон, Арассыыйа ирдэбилигэр эппиэттиир аныгы офис буолла. Дьиэ тас көстүүтэ тупсарылынна, “Мин докумуоннарым” истиилэ тутуһулунна, доруобуйаларынан хааччахтаах дьоҥҥо пандус оҥоһулунна. Бырааттыы эрэгийиэҥҥэ улахан махтал!” – диэн ДНӨ баһылыга Саха сиригэр махталын тириэртэ.
Элбэх хайысхалаах киин дьиэтэ кылгас кэм иһигэр, икки эрэ ый кэриэтэ кэмҥэ бэлэм буолла. Билигин Еленовка бөһүөлэгин олохтоохторо судаарыстыба сүрүн 66 өҥөтүнэн туһанар кыахтаннылар.
«Саха сиринээҕи Элбэх хайысхалаах киин исписэлиистэрэ биир идэлээхтэрин кытары үөрүйэхтэрин үллэстэллэр, көмөлөһөллөр. Саҥа Киин аһыллан олохтоохторго судаарыстыбаннай уонна муниципальнай өҥөлөр арыый да чугаһыахтара”, — диэн Айсен Николаев бу күннэргэ Денис Пушилины кытары өрөмүөн-чөлүгэр түһэрэр үлэ хаамыытын бэрэбиэркэлээн баран иһитиннэрдэ.
Санатан эттэххэ, Саха сирэ Докучаевскайы кытта 2024 сыл саҥатыттан бииргэ үлэлэһэр. Бу иннинэ Саха сирэ эмиэ шефтэһэр Кировскай куоратыгар “Мин докумуоннарым” диэн бастакы киини арыйбыта.
Бүгүн, ахсынньы 14 күнүгэр, аам даам тымныы күүһүрэн турдаҕына, Мэҥэ Хаҥалас күнүгэр аналлаах Оһуокайга ыччаттар…
Лия бөлүүн түһээн эмиэ оҕо сааһыгар, олорбут дьиэтигэр, оонньообут тэлгэһэтигэр, үрдүк эмпэрэ биэрэктээх Өлүөнэ кытылыгар…
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…
Айар куттаах суруйааччылар ахсынньы 7 күнүгэр аам-даам тымныыны аахсыбакка ахсынньы аргыарын ортотунан «Ника» уораҕайга ыраахтан…
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…
Быйыл Өймөкөөн улууһугар айылҕа иэдээнэ – улахан алдьатыылаах халаан үгүс хоромньуну таһаарбыта. Ахсынньы 2-3 күннэригэр…