Хаартыска: Николай Борисов, ЯСИА.
Покровскайга биллэр бэлитиичэскэй диэйэтэл Григорий (Серго) Орджоникидзе олорбут, үлэлээбит түмэл-дьиэтин сөргүттүлэр. Бу федеральнай суолталаах култуура эбийиэгэ Хаҥалас улууһун уопсастыбаннаһын уонна «Биир ньыгыл Арассыыйа» баартыйа «Историческая память» бырайыагын чэрчитинэн, сөргүтүлүннэ.
Бүтүн Арассыыйатааҕы устуоруйа, култуура пааматынньыктарын харыстыыр уопсастыба бэрэссэдээтэлин бастакы солбуйааччы Денис Юдин санаатын үллэһиннэ:
— Бу түмэл-дьиэни сөргүтүү — уопсастыбаннас уонна араас таһымнаах биэдэмистибэлэр бииргэ үлэлииллэрин үтүө холобура буолар. Бастаан Покровскай куорат уонна Хаҥалас улууһун олохтоохторо бэйэлэрэ көҕүлээбиттэрэ уонна федеральнай өйөбүлү ылбыттара ордук суолталаах.
Биһиги уопсастыбабыт Саха сиринээҕи салаата, чуолаан бэрэссэдээтэл Руслан Васильев көҕүлээччи буолла. Кини Москваҕа кэлэн, «биир бэртээхэй бырайыак баар» диэн эппититтэн, барыта саҕаламмыта.
Өрөспүүбүлүкэҕэ биһиги уопсастыбабыт биир саамай күүстээх салаата үлэлиир. Кэлиэгэлэрбит олус көхтөөхтөр, түмсүүлээхтэр, үгүс боппуруоһу быһаарарга эспиэр буолаллар. Былаас уорганнарын кытта сатаан үлэлииллэр, онон үтүө түмүктэнэллэр. Сырдатар бырагыраамалары, волонтер хамсааһыннарын үлэлэтэллэр.
Сөргүтүү үлэтин олохтоох маастардар кылгас кэмҥэ олус хаачыстыбалаахтык оҥорбуттар. 2023 сылтан үлэ саҕаламмыта. Манна тутуу үлэтэ эрэ киирбэт, араас таһымҥа сөбүлэһиннэрии, эспэртиисэ, быһатын эттэххэ, кумааҕы үлэтэ эмиэ олус элбэх. Манна бары түмсэн, уопсай түмүк туһугар түмсэн үлэлээтилэр. Бүгүн л түмүгүн көрөн, үөрдүбүт.
Саха сиригэр былыргы мас дьиэлэри сөргүтүү үлэтэ көхтөөхтүк барар дии саныыбын. Аҕыйах сыллааҕыта оннук этэр кыаллыбат этэ. Онон бу уопут атын эрэгийиэннэргэ тарҕаныан, холобур буолуон баҕарабын, — диэн кини эттэ.
Бүгүҥҥү күн Кыыс бэлиэтигэр киирэн, биһигиттэн чопчу буолууну, болҕомтону уонна олоҕу сааһылааһыны ирдиир. Дьыалаҕа-куолуга, үлэҕэ-хамнаска,…
Өрөспүүбүлүкэ үгүс улуустарынан бүгүн, атырдьах ыйын 31 күнүгэр, сөҥүүтэ суох, сылаас күн. Сорох сиринэн быстах…
Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…
Бүгүн, атырдьах ыйын 30 күнүгэр, Дьокуускай куоракка Саха гимназиятыгар уопсастыбанньыктар, волонтердар, төрөппүттэр, үөрэнээччилэр кыттыылаах "Дьокуускай…
Өймөкөөн улууһун Сордоҥноох нэһилиэгин олохтоохторо Марта уонна Михаил Винокуровтар сайыҥҥы кэмҥэ оҕону үлэҕэ сыһыаран үлэ…
"Карат” диэн ыҥырыллар ааттаах, төрөөбүт Сахатын сиригэр “Е. Николаевна” диэн ытыктабыллаахтык ааттанар кэрэ аҥаар 2001 сылтан…