Хаартыска: СИА
Депутатскай бөһүөлэккэ кытаанах бөх тоҕор сыбаалка сирин чөлүгэр түһэрии (рекультивация) туһунан Усуйаана оройуонугар СӨ Арктика уонна Хотугу норуоттар дьыалаларын сайыннарыыга миниистирэ Владимир Черноградскай иһитиннэрдэ.
Чөлүгэр түһэрии үлэлэрэ 2026 сылтан саҕалыыр былааннаахтар. Билигин бырайыактыыр-симиэтэлиир докумуона оҥоһуллан, уопсастыбаннай дьүүллэһиигэ ыытыллыаҕа.
Сылтан ордук манна тобохтору уматыыга саҥа оборудование туруоруллан үлэлиир .
«Бөҕү-сыыһы дьаһайыы кыһалҕата быһаарылынна — манна сылтан ордук инсинераторнай «Hurikan» установка туруоруллан үлэлиир. Бу иннинэ сыбаалкаҕа өрүү баһаар турара, олохтоохтор доруобуйаларыгар кутталы үөскэтэрэ. Билигин бөҕү сортировкалыыллар уонна уматаллар. Онуоха оборудование технологията экологияҕа дьайбат уратылаах. Оборудование көдьүүстээҕин толору дакаастаата, манна бөх тоҕуллубута дьаһайылынна. Билигин урукку бөх тоҕор полигон баар сирин рекультивациялыыр былааннаахпыт», — диэтэ миниистир.
Черноградскай маны сэргэ «Ыраас Арктика» аахсыйа үтүө түмүктэригэр болҕомтотун уурда, ол чэрчитинэн Депутатскай бөһүөлэккэ 2024 сылга 33 туонна тимир онна бытовой бөх мунньуллубут, 3 гектар иэннээх сир ыраастаммыт.
Миниистир оройуоҥҥа бэйдиэ сылдьар ыттары кытта кыһалаҕаны быһаарбыттарын, кыыллары тутар пуун аһыллыбытын бэлиэтээтэ.
Санатан эттэххэ, Арктика оройуоннарыттан бастакынан маннык установка Аллайыаха улууһугар үлэлиэҕэ. Инсинераторнай установка Анаабыр оройуонугар эмиэ туһаныллар. Биэс оборудование Абыйга, Эдьигээҥҥэ, Муомаҕа, Өлөөҥҥө уонна Орто Халыма оройуоннарыгар баар буолуоҕа.
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…