«Ростелеком» хампаанньа LTE ыстаансыйатын туруорбутунан, Саха сирин Усуйаана улууһун Депутатскай бөһүөлэгин олохтоохторо аныгы сыыппара сервистэринэн уонна өҥөлөрүнэн туһанар кыахтаннылар. Бу кинилэргэ видеосибээһинэн кэпсэтэргэ, куйаар ситимигэр араас иһитиннэриилэри көрдүүргэ, судаарыстыбаннай портаалларынан уонна үөрэх платформаларынан туһанарга кыах биэрэр. Бу туһунан www.sakha.gov.ru иһитиннэрэр.
Урут хампаанньа Анаабыр, Өлөөн уонна Муома улуустарыгар сибээһинэн уонна мобильнай интэриниэтинэн хааччыйбыта. «Биһиги Саха Өрөспүүбүлүкэтин Арктика зонатыгар сибээһи уонна мобильнай интэриниэти хааччыйыы боппуруоһугар улахан болҕомтобутун уурабыт. Сүрүн сорукпут – олохтоохтор судаарыстыбаннай өҥөлөртөн уонна мессенджердэртэн саҕалаан, үөрэх платформаларыгар, аралдьытар контеҥҥа тиийэ сыыппара бородуукталарынан туһаналларын курдук, бары былааннаммыт үлэни олоххо киллэрии. СӨ Бырабыыталыстыбатын, улуус уонна бөһүөлэк баһылыктарын кытта бииргэ үлэлээһиммит Депутатскай олохтоохторугар сыыппара табыгастааҕын бэлэхтиэҕэр эрэллээхпит», – диэн «Ростелеком» ПАУо «Сахателеком» филиалын дириэктэрэ Константин Войтеховскай бэлиэтээтэ. Улуус киинин олохтоохторо мобильнай интэриниэтинэн номнуо туһанан саҕалаатылар уонна базовай ыстаансыйа үлэҕэ киириитэ саҥа үөрэх дьылыгар дьиҥнээх бэлэх буолбутун бэлиэтииллэр. Депутатскай бөһүөлэгин баһылыга Наталья Погорельская бэлиэтээбитинэн, «Ростелеком» хампаанньаны кытта улахан үлэ ыытылынна, ону түмүгэр мобильнай интэриниэт баар буолла.
«Билигин тэрил бүтэһиктээхтик туруоруллар, ол эрээри бөһүөлэккэ интэриниэт үчүгэйдик үлэлиир диэн эрэллээхтик этиэххэ сөп! Инникитин үлэни түмүктээһин күүтэр, уонна сотору кэминэн биһиги аныгы сыыппара эйгэтин бары кыахтарынан толору туһанар буолуохпут», – диэн Наталья Погорельская кэпсээтэ.
«Ростелеком» хампаанньа былааныгар – Арктика зонатыгар үлэни салҕаан, Булуҥ улууһун Тиксии сэлиэнньэтин уонна Аллараа Халыма улууһун Черскэй бөһүөлэгин мобильнай интэриниэтинэн хааччыйыы.
Санатан эттэххэ, 2024 сыл кулун тутар ыйыгар СӨ Ил Дархана Айсен Николаев өрөспүүбүлүкэ Арктика зонатын сайыннарыы туһунан стратегическай Ыйаахха илии баттаабыта. Бу ыйаах 2030 сылга диэри Саха сирин Арктика зонатын олоҕун хаачыстыбатын уонна социальнай сайдыытын көрдөрүүлэрин дойду орто таһымыгар тиэрдиигэ туһуланар.
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…