Дьэрэкээн оҥоһуктар кэккэлэстилэр

2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты, сонун күрэхтэһиини тэрийэн ыыттыбыт.

Дьоммут кыралыын-улаханныын олус көхтөөхтүк кытыннылар. Араас дьэрэкээн өҥнөөх бииртэн биир кэрэ оҥоһуктар социальнай ситим нөҥүө кэлэн истилэр. Олору киэн тутта дьон көрүүтүгэр ыытабыт.

Итинник Кэбээйи улууһугар Сииттэни саамай  көхтөөх дьоннооҕунан билинэллэр. Ити курдук салҕана турдун үлэбит-хамнаспыт. Нэһилиэкпит олохтоохторугар кэлэр сыл үтүөнү, кэрэни, сырдыгы эрэ сыдьаайдын диэн баҕа санаа бастыҥын ыытабыт.

Марианна Сивцева,

А.В. Аргунов аатынан Норуот айымньытын, култууратын дьиэтин дириэктэрэ.