«DetSat» айар бөлөх саҥа кэмиэдьийэтин көрдөрүөҕэ

«DetSat» айар бөлөх «Народная комедия: кандидат» диэн ааттаах дэриэбинэҕэ быыбар айдаанын туһунан саҥа киинэтин тизерын таһаарда. 

Киинэ режиссерунан Дмитрий Шадрин-Шандор буолбут. Бу сырыыга киинэҕэ 29 биллэр артыыс оонньоото: Валентина Романова-Чыскыырай, Владимир Дормидонтов, Алексей Михайлов-Өттүк Леха, Иннокентий Орестов (Зина), Степан Порядин, Игорь Говоров уо.д.а.

Бырайыакка«DetSat» бөлөх урукку киинэлэрин дьоруойдарын түмтүлэр. Ол курдук, хартыынаҕа аатырбыт «Кэскил» уонна «Юбилей» кэмиэдьийэлэрин дьоруойдара көрсүһүөхтэрэ.

Кэмиэдьийэ атырдьах ыйын 31 күнүгэр тахсыаҕа.