Нарыйа Пахомова хаартыскаҕа түһэриитэ, СИА.
Атырдьах ыйын 27 күнүгэр Дьокуускайга «Лена» киинэ тыйаатырыгар «Народная комедия: кандидат» киинэ пресс-көрдөрүүтэ буолан ааста.
DETSAT айар түмсүү Саха сиригэр биллэр 29 инфлюенсеры, киинэ уонна тыйаатыр артыыстарын биир киинэҕэ түмтэ. Киинэ режиссера — Дмитрий Шадрин, продюсер — Владимир Дормидонтов.
Саҥа киинэ ис хоһоонугар киирдэххэ, кылгастык маннык: дэриэбинэ чуумпу олоҕун нэһилиэк баһылыгын быыбара аймыыр. Ол курдук, Степан Степанов (Анатолий Николаев) уонна Абан Мохначевскай (Игорь Говоров) киирсиилэрэ нэһилиэк дьонун икки гына аҥаардыыр.
Киинэни устууга үс мөлүйүөн солкуобай харчы бараммыт диэн этэллэр продюсердар. Саҥа кэмиэдийэҕэ көрөөччү Степан Порядины, Игорь Говоровы, Роман Дорофеевы, Мария Сергееваны, Анатолий Николаевы, Нюргуяна Шадринаны уо.д.а көрүөҕэ.
Режиссер Дмитрий Шадрин киинэ сценарийын 2020 сыллаахха суруйан саҕалаабыт. Бу киинэ Саха сирин киинэтин устуоруйатыгар кроссовер халыыптаах бастакы киинэ диэн бэлиэтииллэр. Киинэҕэ DETSAT биллиилээх үлэлэриттэн быһа тардыылар киирбиттэр.
Киинэ үс сыл бэлэмнэммит. Үрдүк таһымнаах хамаанда үлэлээбит. Тиэхиньикэни «Мосфильм» устуудьуйатыттан ылбыттар. Киинэ продакшн хайысхатыгар Петр Хикки курдук идэтин толору баһылаабыт киһи ылсан үлэлээбит.
Кэмиэдьийэ аатырбыт «Кэскил» киинэҕэ сүрүн дьоруойдары толорбут, Саха тыйаатырын артыыһа Михаил Борисов сырдык кэриэһигэр ананна. Бэлиэтээн суруйдахха, бу тахсаары турар киинэҕэ Михаил төрөппүт оҕолоро оонньоотулар.
Киинэ улахан экраҥҥа атырдьах ыйын 31 күнүгэр тахсыаҕа.
Эльдар Садовников.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…