Дьуһуурунай борокуруор: Чааһынай секторга баһаардар, киһини өлөрүү, суол быһылаана

Саха сиригэр ааспыт сууккаҕа 3 буруйу оҥоруу бэлиэтэннэ. Бу туһунан СӨ Борокуратууратын пресс-сулууспата суруйар.

Дьокуускайга дьахтар 38 саастаах эр киһини өлөрүүгэ уорбаланар, оттон Мииринэйгэ 32 саастаах эр киһи доруобуйатыгар ыар эчэйиини оҥорбуттар.

Суукка иһигэр өлүүлээх суол быһылаана тахсыбатах. Ол эрээри Дьокуускайга Петр Алексеев уулуссатыгар «Мицубиси Паджеро» уонна «Тойота Аллион» мааркалаах икки массыына харсыспыттар, онтон биирдэстэрин суоппарын уонна пассажирын балыыһаҕа киллэрбиттэр.

Саха сиригэр 18 итирик суоппар тутуллубут, онтон биирдэстэрэ Дьокуускайга иккиһин итирик туруктаах уруулга олорбут.

ЫБММ Саха сиринээҕи управлениета өрөспүүбүлүкэҕэ ааспыт сууккаҕа алта баһаар тахсыбытын туһунан иһитиннэрдэ. Өлбүт, эмсэҕэлээбэт дьон суох. Ол курдук, Ленскэйгэ уот лииньийэтигэр тахсыбыт баһаартан баһаарынайдар икки чааһынай дьиэни быыһаатылар.

Мииринэйгэ оһоҕу сыыһа туһаныыттан гарааска тахсыбыт уоту умуруорбуттар. Онно эбии чааһынай дьиэни быыһаабыттар.

Дьокуускайга баанньык умайан, баһаарынайдар чааһынай дьиэни быыһаабыттар, оттон Хаандыгаҕа  көһөрүллүбүт дьиэҕэ уот күүскэ тарҕанарын тохтотон, баһаары түргэнник умуруорбуттар.