Диабеты утары охсуһуу нэдиэлэтэ ыытыллар

Сэтинньи 10-14 күнэригэр Саха сиригэр Саахардаах диабеты утары охсуһар нэдиэлэ ыытылла турар. Бу тэрээһин сэтинньи 14 күнүгэр бэлиэтэнэр Диабеты утары охсуһуу аан дойдутааҕы  күнүн чэрчитинэн ыытыллар. 

Саха сиригэр «Уһун көхтөөх олох» национальнай бырайыак иһинэн «Саахардаах диабеты утары охсуһуу» федеральнай бырайыак чэрчитинэн, анал бырагыраама үлэлиир. Бу бырагыраама биир сүрүн чааһынан нэһилиэнньэҕэ диспансеризацияны ыытыы, ыарыыны эрдэттэн булуу буолар.

«Бүгүҥҥү күҥҥэ Саха сиригэр 35 тыһыынча киһи саахардаах диабетынан ыалдьар. Ыарыыны эрдэ булан, бырааска эмтэннэххэ, кырдьыахха диэри олох хаачыстыбатын тупсаран, хонтуруолга тутуохха сөп», — диэн доруобуйа харыстабылын министиэристибэтэ иһитиннэрэр.

Ыарыы сибикилэрэ бытааннык биллэллэр. Айаҕыҥ иһэ куурар-хатар, элбэҕи аһыыр эрээри, ыйааһыныҥ эмискэ түһэр, түргэнник сылайар буолбут буоллаххына — бырааска көрдөрүнүөххэ наада. Бу диабет иннинээҕи сибикилэр.

Быраас, бастатан туран, табахтан, арыгыттан аккаастанарга, элбэхтик хамсанарга уонна аһыыры хонтуруолланарга сүбэлиир. Аһылыктан элбэх тутулуктаах.

Диспансеризацияҕа суруйтарыҥ: «Госуслуги» портал нөҥүө, поликлиника регистратуратыгар уонна  доруобуйа харыстабылын биир кэлим нүөмэригэр — 122 эрийэн.

Сиһилии: https://mintrud.sakha.gov.ru/news/15152