Диализ. Илин эҥэр улуус дьоно миэстэтигэр эмтэнэр кыахтаннылар

Share

Тохсунньу 15 күнүгэр Мэҥэ Хаҥалас улууһун Майа сэлиэнньэтигэр  Илин эҥэр улуустарын олохтоохторугар анаан,  “РеноДиал” диализ улуустар икки ардыларынааҕы киинэ  арылынна (доруобуйа харыстабылын устуоруйатыгар аан бастаан).

Саҥа кииҥҥэ Мэҥэ Хаҥалас, Амма, Чурапчы, Уус Алдан, Хаҥалас, Таатта, Томпо улуустарын ыарыһахтара эмтэниэхтэрэ.

“РеноДиал Заречье” диализ улуустар икки ардыларынааҕы киинин дириэктэрэ Прокопий Давыдов:

“Киин 333 кв.м. иэннээх. Эмтэнээччилэр диализ процедуратынан барытынан Мэдиссиинэ булгуччулаах страховкатын полиһынан босхо туһаналлар. Киин  диализ уонна ууну ыраастыыр  аныгы аппарааттарынан толору сэбилэннэ. Барыта 10 аппараат баар, 60 эмтэнээччини хааччыйар кыамталаах. Биһиги саҥа киин аһыллан, диализка наадыйар элбэх киһиэхэ көмөлөһөр кыахтаныахпыт диэн эрэнэбит”, — диэн санаатын үллэһиннэ.

“Ыарыһах ахсаана  аан дойдуга барытыгар да эбиллэ турар. Ол сүрүн төрүөтэ – нэһилиэнньэ кырдьыыта, саахарынай диабет, гипертония ыарыылара уонна ол кэнниттэн бүөр ыарыылара. Арассыыйаҕа 45 тыһыынча курдук, онтон Саха сиригэр  650 киһи диализ процедуратынан туһанар. Бу киин арыллыыта Илин эҥэр улуустарын нэһилиэнньэтигэр социальнай уонна  экэниэмиэкэ өттүнэн туһалаах буолуоҕа”, — диэн СӨ Доруобуйа харыстабылын министиэристибэтин штаты таһынан сүрүннүүр нефролога Евгения Николаева Унарова кэпсээтэ.

Мэҥэ Хаҥалас улууһун баһылыга Дмитрий Тихонов:

“СӨ бырабыыталыстыбатын уонна улуус баһылыгын отчуоттарын кэмигэр олохтоохтор диализ киинин арыйар туһунан сыл аайы туруорсаллара. Ыарыһахтар нэдиэлэҕэ 3-4 төгүл процедура ылаары, бэйэлэрин хаһаайыстыбаларын, дьиэлэрин-уоттарын, дьиэ кэргэттэрин хаалларан туран, Дьокуускайга көһөргө күһэллэллэрэ. Оттон суол сабыллар, өрүс хаайар кэмигэр хайдах буолуохха? Ол иһин, “РеноДиал” киин салалтатыттан бу боппуруоска биһигини өйүүллэригэр көрдөспүппүт. Билигин дьэ, чугастааҕы улуустар олохтоохторо эмиэ манна эмтэнэр кыахтаннылар”, – диэн эттэ.

“РеноДиал” пресс-киинэ

Recent Posts

  • Быһылаан
  • Бэрээдэк
  • Сонуннар

Дьуһуурунай борокуруор: суумканы былдьаабыттар, түөкүттэр албыннаабыттар

Ааспыт сууккаҕа Саха сиригэр  буруйу оҥоруу сэттэ түбэлтэтэ бэлиэтэммит. Бу туһунан СӨ Борокуратууратын пресс-сулууспата иһитиннэрэр. Ол…

11 минут ago
  • Култуура сыла
  • Сонуннар

“Култуура сыла чаҕылхай түгэннэри аҕаларыгар эрэнэбит”

РФ бэрэсидьиэнэ Владимир Путин 2026 сылы Арассыыйа норуоттарын сомоҕолоһууларын сылынан биллэрбитэ. Саха Өрөспүүбүлүкэтигэр биллэриллибит Култуура…

39 минут ago
  • Сонуннар
  • Спорт
  • Уопсастыба

РФ үтүөлээх артыыһа Дмитрий Артемьев экстремальнай марафоҥҥа кытынна

Бүгүн Өймөкөөн улууһугар ыытылла турар экстремальнай марафоҥҥа  Арассыыйа 44 эрэгийиэниттэн, ону тэҥэ Белоруссияттан уонна Японияттан…

59 минут ago
  • Сонуннар
  • Уопсастыба

Ультрамарафоҥҥа Андрей Зыков уонна Марина Седалищева — инники күөҥҥэ

Хаҥалас  уонна Мэҥэ Хаҥалас улуустарын бэрэстэбиитэлэ Леонид Зыков 42, 195 км дистанцияҕа 2 чаас 58…

2 часа ago
  • Сонуннар
  • Уопсастыба

2026 сылга 800 тыһыынчаттан тахса квадратнай миэтэрэ дьиэни үлэҕэ киллэрэр сорук турар

Тутуу миниистирэ Виктор Романов «Актуальное интервью» биэриигэ эппитинэн, 2026 сылга 806 тыһыынча квадратнай миэтэрэ дьиэни…

2 часа ago
  • Сонуннар
  • Спорт
  • Сүрүн

Өймөкөөн ультрамарафонугар Александр Моедо бастаата!

Өймөкөөн улууһугар ыытылла турар экстремальнай марафон муҥутуур кыайыылааҕынан Александр Моедо буолла. https://t.me/sakhasire20/65046 Ультрамарафон түһүмэххэ кини…

3 часа ago