«Диалог с властью» биэриигэ кыһыҥҥы суол аһыллыытын туһунан кэпсиэхтэрэ

Сарсын, алтынньы 27 күнүгэр, «Тэтим» НКИК «Саха» араадьыйатын  «Диалог с властью» биэриитигэр «Арктика суоллара» тэрилтэ генеральнай дириэктэрин 1-кы солбуйааччы — кылаабынай инженер Николай Николаевич Попов кыттыаҕа. Биэрии 12:05 чаастан саҕаланар

Кини тэрилтэ ааспыт биэс сыллаах үлэтин, быйылгы кыһыҥҥы суоллар аһыллар болдьохторун туһунан сиһилии кэпсиэҕэ. Николай Попов тэрилтэ подразделениеларын тустаах тиэхиньикэлэринэн хааччыйыы хайдах ыытылларын, Арктика улуустарын дьаһалталарын кытта туох-ханнык үлэ ыытылларын тустарынан иһитиннэриэҕэ. Ону тэҥэ, олохтоохтор ыйытыыларыгар хоруйдуоҕа.

Ыйытыылары  8 (4112) 32-00-66  уонна 32-11-66 диэн нүөмэрдэргэ эрийэн биэриҥ. Өскөтүн ыйытыы эпиир кэмигэр бэриллибэккэ хааллаҕына, ол хоруйа ыйыппыт киһиэхэ хайаан да тиэрдиллэр.