Хаартыска уонна видео: Елена Потоцкая.
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты түмэн, араас санаа атастаһыытын тэрийдэ, уопут атастаһыытын көҕүлээтэ.
Быйылгы сийиэскэ хаһааҥҥытааҕар да бэлэмнээх уонна уопуттаах баһылыктар уонна дьокутааттар кыттыыны ыла сылдьаллара харахха быраҕыллар. Ол курдук, үрдүк тырыбыынаҕа тахсан тыл эппит салайааччылар хас биирдии этиилэрин чуо холобурдууллар, тугу ордук сэргээбиттэрин чопчу ыйаллар.
https://t.me/sakhasire20/64470
Таатта улууһун Харбалаах нэһилиэгин бэрэстэбиитэллээх уорганын дьокутаата Диана Соломонова бу үлэни олох төрдүттэн билэр уопуттааҕын кинини кытта кэпсэтэ туран тута сэрэйэҕин.
— Ил Түмэҥҥэ буолбут «төгүрүк остуолга» сийиэс дэлэгээттэригэр саҥа сокуоҥҥа туох уларытыы киирэрин бэрт өйдөнүмтүө гына быһааран биэрдилэр, санаабытын толору этэрбитигэр анаан усулуобуйа тэрийэн, олохтоохтук истэн, сүбэлээн, туохха болҕомтобутун уурарбытыгар, устааптары көннөрүүгэ туох үлэни ыытарбытыгар тиийэ сүбэ-ама биэрдилэр. Мин бэҕэһээ тыл эппиппин барытын болҕомтоҕо ылан, бүгүн пленарнай мунньахха Ил Түмэн дьокутаата Юрий Николаев Ил Дархаҥҥа улахан тырыбынаттан тиэрпитин истэн санаам олус көнньүөрэн турарбын. Онон бу сийиэстэн улаханнык астынан, этиилэрбитин болҕомтоҕо ыллылар диэн эрэх-турах санаалаах баран эрэбин, — диэн Харбалаах нэһилиэгин бэрэстэбиитэллэх уорган дьокутаата Диана Соломонова санаатын үөрэ-көтө үллэһиннэ.
Суотту модельнай бибилэтиэкэтигэр тохсунньуну түмүктүү икки күн устата оҕуруонан дьахтар симэҕин оҥорууга "Оҕуруо оһуора" маастар-кылаас…
«Атамай» КСК киэҥ уораҕайыгар бэрт туһалаах уонна сэргэх тэрээһин буолла. Манна Октябрьскай, Кировскай, Маҕаны, Маалтааны,…
Күн-дьыл билгэтэ. Кыһын халлаан сылыйарыгар: -кутуйах ойуур иһинээҕи уйатыттан тахсан хаарга сүүрэр; -күн тоҥон кытарар;…
Бу нэдиэлэҕэ Күрүлгэҥҥэ баар Күн саҥа, ураты быһаарыылары ылынарга күүс биэриэ. Венера Балыктарга интуицияны күүһүрдүө,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Киин улуустарга сорох сиринэн туманнаах.…
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…