Муус устар 13 күнүгэр, Мэҥэ Хаҥалас улууһугар Майаҕа, үгүс дьон үөрүүлээх дьоро күннэрин бэлиэтиир «Лира» банкеттыыр саалатыгар «Дьиэ кэргэн — дьол биһигэ » диэн дьоһун тэрээһин ыытылынна.
Майатааҕы дьахталлар сэбиэттэрин ыҥырыытынан (салайааччы Екатерина Петровна Романова) Дьокуускай куораттан уол уонна кыыс оҕо оскуолаларын, уһуйааннарын төрүттээччилэр Светлана, Анатолий Бурнашевтар, «Сахат» уол оҕо оскуолатын уһуйааччыта, «Сахалыы» саха тылын үөрэтии төрүттээччитэ Ньургун Бэчигэн уонна кини олоҕун аргыһа, илиҥҥи үҥкүү оскуолатын төрүттээччи, трайбл хайысханы Дьокуускайга сайыннарааччы, үҥкүүһүт, блогер Лилия Бэчигэн, эдэр урбаанньыт, блогер, хаартыскаҕа түһэрээччи Кэрэли Кириллина үһүс кылааска үөрэнэр уолунаан Айалханныын кэлэннэр, киэҥ ис хоһоонноох кэпсэтиигэ кыттыыны ыллылар, санааларын үллэһиннилэр.
Тус олохторун холобуругар тирэҕирэн дьиэ кэргэҥҥэ сахалыы тыыны иҥэриигэ аһаҕас кэпсэтии буолла.
Бу көрсүһүүнү дьиэ кэргэнинэн олохтоох оҥорон таһаарыыны сайыннарааччы, оҕону дьиэ кэргэҥҥэ иитиигэ араас хайысхалаах бырайыактар ааптардара, Бөкө бөһүөлэгэр олорор, Мэҥэ Хаҥаласка уол оҕо уһуйаанын төрүттээччи Николь Егорова иилээн-саҕалаан ыытта.
Түмүккэ Елизавета, Герман Неустроевтар эҕэрдэ ырыаларын, Майа дьахталларын сэбиэтин аатыттан тэрээһин кыттыылаахтарыгар сибэкки дьөрбөтүн, өйдөбүнньүк бэлэхтэри туттардылар.
Августина Хабарова,
ааптар хаартыскаларга түһэриитэ.
Бүгүн, ыам ыйын 17 күнүгэр, Дьокуускай-Аллараа Бэстээх хайысханан сылдьар "хивустар" сырыылара сөргүтүллүбүтүн туһунан СӨ Тырааныспарга…
Сорохтор сааскы көмүөл Өлүөхүмэ улууһун ааспыта, туох да куттал суох диэтэллэр да, күн бүгүн Кыыллаах…
“Улуустарга эрийэн, үүттэрин харчыта тиийбитин туоһуластыбыт. “Түспүтэ”, – дэһэллэр. Уонна үүт соҕотуопкатыгар сыһыаннаах санааларын, аахсыбыт…
Дьокуускайга "Үс хатыҥ" этнокомплекска аны балтараа ыйынан Туймаада ыһыаҕа буолуоҕа. Маны көрсө Дьокуускай куорат дьаһалтатын…
Былырыын саас ыам ыйыгар Дьокуускай куорат Пионерскай уулуссатыгар баар дьиэҕэ баһаар буолбутун түмүгэр түөрт киһи…
Бүгүн, ыам ыйын 17 күнүгэр, өрөспүүбүлүкэ үгүс улуустарыгар кыралаан ардыаҕа, хоту улуустарга, Өлүөнэ аллараа тардыытынан…