Ил Дархан, бырабыыталыстыба дьаһалтатын пресс-сулууспата.
Москваҕа «Таптыыр күндү дьонум» пуорумҥа саҕыллыбыт дьиэ кэргэн холумтанын уота Саха сиригэр кэллэ. Лампааданы сэтинньигэ «Арассыыйа» быыстапка-пуорумҥа ыал буолбут Жанна, Владислав Федоровтар аҕаллылар.
Тохсунньу 25 күнүгэр Федоровтар Ил Дархан Айсен Николаевы кытта биир сөмөлүөтүнэн Дьокуускайга көтөн кэллилэр. Уоту көрсүүгэ араас улуустартан кэлбит дьиэ кэргэттэр кыттыын ыллылар.
— Биһигини «Арассыыйа» быыстапка-пуорумҥа ыал буолбут 89 паараттан талан ылбыттара. Уоту уматыыга араас эрэгийиэннэртэн 12 паара кыттыбыта. Оттон сахалыы сиэри-туому көрдөрөр уруубутугар балтараа тыһыынча киһи баар этэ! Биһиги бастакынан көрдөрбүппүт уонна бастакынан бу Бүтүн Арассыыйатааҕы дьиэ кэргэн холумтанын уотун уматыыга кыттарбытын билбиппит. Биһиги өрөспүүбүлүкэбитин маннык сыаналыылларыттан киэн туттабыт. Онон үйэбит тухары умнуллубат ураты түгэҥҥэ олус эппиэтинэстээхтик уонна өйдөөн-төйдөөн туран, сыһыаннастыбыт, — диэн Федоровтар кэпсээтилэр.
Бырабыыталыстыба бэрэссэдээтэлин солбуйааччы Георгий Степанов маннык лаампа дойду үрдүнэн бастакынан 12 эрэгийиэҥҥэ траҕаммытын бэлиэтээтэ. Уһук Илинтэн билиҥҥитэ Саха сиригэр эрэ кэллэ.
— Өрөспүүбүлүкэ демографияҕа, доруобуйа харыстабылыгар, социальнай эйгэҕэ сайдыытын учуоттаан, ураты миссияны сүкэрдилэр — ытык уоту киэҥ-куоҥ Уһук Илин эрэгийиэннэригэр тиэрдэргэ. Бу дьиэ кэргэн холумтанын уота таптал, эрэл, бэриниилээх буолуу бэлиэтэ буолан, Дьиэ кэргэн, Оҕо саас сылларын сырдатыаҕа, — диэн киин эттэ.
Бу «Арассыыйа сүрэҕэ» диэн дьиэ кэргэн холумтанын уота Муром куоракка Таптал, Бэриниилээх буолуу бэлиэтэ буолбут сибэтиэй Петр, Февронья көмүллэн сытар Свято-Троицкай манастыырдарыгар саҕыллан, эрэгийиэннэргэ тарҕаммыта. Дойду үрдүнэн Дьиэ кэргэн сылын бэлиэтэ буолар.
Уоту көрсүү сиэригэр-туомугар Булуҥтан элбэх оҕолоох, сиэннээх Бурцевтар-Дьяконовтар дьиэ кэргэттэрэ, саҥа ыал буолаары сылдьар устудьуоннар Денис, Мария Долговтар, эдэр ыал Айталина, Владимир Винокуровтар кытыннылар.
— Федоровтар дьиэ кэргэттэрэ тапталлаах Сахабыт сиригэр «Арассыыйа сүрэҕэ» дьиэ кэргэн холумтанын уотун аҕалла. Хас биирдии ыал холумтаныгар таптал, эрэл, дьол уоттара күлүбүрэччи умайдыннар! — диэн Айсен Николаев көрсүһүүнү түмүктээтэ.
Дьиэ кэргэн холумтанын уота ыал буолар сиргэ — ЗАГС дыбарыаһыгар уурулунна.
Ил Дархан, бырабыыталыстыба дьаһалтатын пресс-сулууспата.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…