Дьиэ кэргэн интэриэстэрин көмүскээһин боппуруостарыгар быраап көмөтүн нэдиэлэтэ ыытыллыаҕа

От ыйыгар дойду үрдүнэн аан бастакытын Арассыыйаҕа Дьиэ кэргэн сылыгар уонна Дьиэ кэргэн, таптал уонна бэриниилээх буолуу күнүн чэрчитинэн дьиэ кэргэн интэриэһин көмүскээһин боппуруостарыгар Бүтүн Арассыыйатааҕы быраап нэдиэлэтэ ыытыллыаҕа.

Саха сиригэр Дьиэ кэргэҥҥэ быраап көмөтүгэр нэдиэлэтин тэрээһиннэрэ от ыйын 8 күнүттэн от ыйын 14 күнүгэр диэри ыытыллыахтара. Нэдиэлэ устата Саха сиригэр гражданнары кытта тус сирэй көрсүһүүлэр, сэминээрдэр, онлайн-көрсүһүүлэр, дьиэ кэргэни быраап өттүнэн өйөөһүҥҥэ туһуламмыт араас тэрэһиннэр буолуохтара. Ону тэҥэ дьиэ кэргэн сыаннастарын көмүскээһин, эдэр ыал быраабын уонна интэриэстэрин тутуһуу, эпиэкэ уонна попечительство боппуруостарыгар босхо юридическай консультациялар тэриллиэхтэрэ.

Быраап өттүнэн көмөнү оҥоруу тэрээһиннэргэ СӨ Киһи быраабын боломуочунайа, Оҕо быраабын боломуочунайа, Сууд приставтарын федеральнай сулууспатын Саха сиринээҕи управлениета, Накаастабылы толоруу федеральнай сулууспатын Саха сиринээҕи управлениета, Саха сирин судаарыстыбаннай былааһын толорооччу уорганнара, ЗАГС уорганнара, Адвокаттар уонна нотариустар уопсастыбалара, кэммиэрчэскэйэ суох тэрилтэлэр кыттыахтара.

Тэрээһиннэр туһунан сиһилии Юстиция министиэристибэтин Саха сиринээҕи управлениетын официальнай саайтыгар билсиэххэ сөп https://to14.minjust.gov.ru/ru/.