Дьиэ кэргэн ипотеката чэпчиэ дуо?

Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар кыаҕы дьүүллэһэллэр. Билигин ыстаапка 6% таһымыгар бигэргэтиллэн турар уонна дьиэ кэргэҥҥэ оҕо ахсааныттан тутулуга суох диэн «Парламентская газета» суруйар.

Судаарыстыбаннай Дуума Үп-харчы ырыынагар кэмитиэтин бэрэссэдээтэлэ Анатолий Аксаков оҕо төрөөһүнүн көҕүлүүр сыалтан чэпчэтиилэри олохтуур туһунан этиннэ:

* бастакы оҕо төрөөтөҕүнэ — ыстаапката 10%;
* иккис оҕо төрөөтөҕүнэ — ыстаапката 6%;
* үһүс уонна онтон кэлэр оҕолор төрөөтөхтөрүнэ — ыстаапката 4%.

Сүрүн ыстаапка туһунан сабаҕалааһын

Анатолий Аксаков 2026 сылга сүрүн  ыстаапка уонна ипотека бырыһыанын уларыйыытын туһунан сабаҕалааһыннарын кытта үллэһиннэ:

* Сүрүн ыстаапка. Дьокутаат санаатынан, 2026 сыл бүтүүтэ сүрүн ыстаапка 9%-ҥа диэри намтыан сөп.
* Ипотека ыстаапката. Аксаков сабаҕалыырынан, ырыынак ипотекатын ыстаапкалара 15%-тан аллараа түһүөхтэрэ. Сүрүн ыстаапка 9% буоллаҕына, ипотека бырыһыана 12% кэриҥэ буолуон сөп.