Салгыы
До выборов президента РФ
00 дней
:
00 часов
:
00 минут
:
00 секунд
Дьиэ кэргэн күнүгэр Дьокуускайга 23 эдэр ыал баар буолла

Дьиэ кэргэн күнүгэр Дьокуускайга 23 эдэр ыал баар буолла

10.07.2023, 09:30
Хаартыска СӨ Үлэҕэ уонна социальнай сайдыыга министиэристибэтин пресс-сулууспатыттан
Бөлөххө киир:
Дьиэ кэргэн күнүгэр Дьокуускайга 23 эдэр ыал эбилиннэ. Балартан сэттэ ыалга үөрүүлээх быһыыга-майгыга ыал буолуу туоһу суругун туттардылар. Ону сэргэ өрөспүүбүлүкэҕэ бастыҥ дьиэ кэргэттэри наҕараадалаатылар.
«Саха сирэ элбэх оҕолоох дьиэ кэргэннээҕинэн  биллэрэ. Дьиэ кэргэҥҥэ эрэ көлүөнэттэн-көлүөнэҕэ бэриллэр үтүө үгэстэр бэриллэллэр, аҕа көлүөнэ уопута ылыллар, манна эрэ хас биирдии киһи өйөбүлү уонна тапталы билэр«, — диэн Ил Дархан Айсен Николаев  эҕэрдэтигэр эттэ.

СӨ Үлэҕэ уонна социальнай сайдыыга миниистирэ Елена Волкова  түөскэ кэтиллэр «За вклад в развитие семейной политики» диэн наҕараадалары Амма, Горнай уонна Нам улууһун түөрт иитэр дьиэ кэргэнигэр туттарда. Ону сэргэ РФ Уопсастыбаннай палаата «Аҕалар лигаларын» бэрэссэдээтэлин солбуйааччыга дьиэ кэргэни көмүскүүр,  үтүө үгэстэри үйэтитэр Демография хамыыһыйатын махтал суругун  Дмитрий Оконешниковка туттарда. Салгыы Ил Түмэн уонна куорат Дууматын наҕараадалара туттарылыннылар.

«Тапталга билинии» уонна «Вальстыыр кэм» куонкурус кыайыылаахтарын чиэстээтилэр.

Бу куонкуруска кыттыыга видеонанан үлэлэр ылыллыбыттара. «Тапталга билинии» куонкуруска уопсайа 16 видеоролик киирбит. Телеграм-ханаалга куоластааһыҥҥа 7500 киһи кыттыыны ылбыта.

Кыайыылаах Акулина Сергей Шестаковтар диэн Дьокуускай  ыалыгар  «Ленатурфлот» тэрилтэ Өлүөнэ очуостарыгар сынньалаҥ туурун бэлэхтээтэ. Иккис миэстэни Ньурба улууһун Үөдэйиттэн кыттыбыт Марфа уонна Василий Федоровтар, үһүс миэстэни Хатастан Надежда уоннап Владимир Поповтар ыллылар. Анал бириискэ Дьокуускайтан Ирина, Тимур Тихоновтар дьиэ кэргэттэрэ тигистэ. Маны сэргэ, анал бириистэринэн байыаннай дьайыыга кыттыбыт дьиэ кэргэттэр Дьокуускайтан Наталья уонна Виктор Усиковтар, Аллараа Бэстээхтэн Анисия уонна Иннокентий Скрябиннар ыллылар.

«Вальстыыр кэм» куонкуруска аҕыс ыал кыттыбыт. Бастакы миэстэҕэ  Надежда уонна Федот Максимовтар, иккискэ Ульяна уонна Виталий Осиповтар, үһүс миэстэҕэ Матрена уонна Максим Аммосовтар тигистилэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
27 февраля
  • -29°C
  • Ощущается: -29°Влажность: 68% Скорость ветра: 1 м/с

Сообщить об опечатке

Текст, который будет отправлен нашим редакторам: