«Дьиэ кэргэн» национальнай бырайыак чэрчитинэн Саха сиригэр ийэ уонна оҕо харыстабылыгар саҥа ситиһиилэр

«Дьиэ кэргэн» национальнай бырайыак «Ийэ уонна оҕо харыстабыла» бырагырааматын чэрчитинэн ыытыллар, 2025 сылга өрөспүүбүлүкэ территориятыгар дьахталлар консультацияларын ситимэ кэҥэтилиннэ. Бу ситимҥэ Алдан оройуонун Киин балыыһата эмиэ киирдэ.

«Бырагыраамма бастакы турар соруктарын ахсааныгар дьахталлар консультацияларын ситимин кэҥэтии, перинатальнай кииннэри, оҕо поликлиникаларын уонна балыыһаларын саҥардыы киирдэ. Баар акушер-гинеколог быраас кэбиниэтин баазатыгар дьахталлар консультациялара тэрилиннилэр. Бу тэрээһиҥҥэ 2025 сылга 80000000 солкуобайтан тахса үп көрүллүбүтэ», — диэн «Биир ньыгыл Арассыыйа» баартыйа «Бөҕө тирэхтээх дьиэ кэргэн» бырайыагын эрэгийиэннээҕи сүрүннээччитэ Афанасий Постников бэлиэтиир.

Алдан оройуонун Киин балыыһатын дьахталлар консультацияларын дьиэтин өрөмүөннээһин уонна мэдиссиинэ тэрилинэн хааччыйыы «Дьиэ кэргэн» национальнай бырайыак уонна «Биир ньыгыл Арассыыйа» баартыйа «Бөҕө тирэхтээх дьиэ кэргэн» бырайыагын сүрүн соругунан буолар.