Дьиэ кэргэн нолуогун төлөбүрэ кимиэхэ бэриллэрий?

2026 сылга дьиэ кэргэн нолуогун  төлөбүрүн икки уонна онтон элбэх оҕолоох 7 мөлүйүөнтэн тахса үлэлиир төрөппүт ылыан сөп. Ол туһунан РФ үлэҕэ уонна социальнай көмүскэлгэ миниистирэ Антон Котяков Судаарыстыбаннай Дуумаҕа иһитиннэрдэ.  

Миниистир иһитиннэрбитинэн, төлөбүрү биэрии аныгыскы сылтан саҕаланыаҕа.

Сыл аайы бэриллэр төлөбүр  биирдиилээн дьон дохуотугар төлөнөр нолуоктан 7% кэмэйдээх буолуоҕа.

Сайабылыанньаны “Судаарыстыбаннай өҥөлөр” нөҥүө уонна социальнай пуонда эбэтэр Элбэх хайысхалаах киин отделениеларыгар кэлэн биэриэххэ сөп.