Дьиэ кэргэн сылыгар сэлэлии хаамсааччылар ахсааннара өссө элбээтэ

От ыйын 8 күнүгэр, Дьиэ кэргэн, таптал уонна бэриниилээх буолуу Бүтүн Арассыыйатааҕы күнүгэр сэлэлии хаамсыыга Арассыыйа 100-тэн тахса куората кыттыаҕа.

Бу Бүтүн Арассыыйатааҕы күн  чэрчитинэн дьиэ кэргэттэр сэлэлии хаамсыыларыгар кыттааччылар ахсааннара, 2023 сылга тэҥнээтэххэ, иккиттэн ордук элбээтэ (40 куоракка, ол иһигэр Саха сиригэр ыытыллыбыта).
РФ Бэрэсидьиэнэ Владимир Путин 2022 сыл бэс ыйын 28 күнүнээҕи ыйааҕа тахсыаҕыттан ыла бу күн судаарыстыбаннай бырааһынньыгынан буолбута.
Саха сирэ эмиэ Бүтүн Арассыыйатааҕы аахсыйаҕа кыттыһан,  от ыйын 8 күнүгэр дьиэ кэргэттэр Дьокуускайга Киров уулуссатынан Саха судаарыстыбаннай цииркэтин таһыттан Сынньалаҥ пааркатыгар диэри сэлэлии хаамсан тиийиэхтэрэ.