Салгыы
Дьиэ кэргэн сылын былааннаатылар

Дьиэ кэргэн сылын былааннаатылар

12.01.2024, 12:33
Үлэ, социальнай сайдыы министиэристибэтэ.
Бөлөххө киир:

Арассыыйаҕа биллэриллибит Дьиэ кэргэн сылын Саха сиригэр ыытыы, бэлэмнэнии хаамыытын туһунан мунньах буолан ааста. Онлайн мунньаҕы үлэ, социальнай сайдыы миниистирэ Елена Волкова ыытта. 

Үлэ, социальнай сайдыы министиэристибэтэ.

Арассыыйа үлэҕэ, социальнай сайдыыга министиэристибэтиттэн сурук кэлбит: муниципальнай оройуоннарга тохсунньу 24 күнүттэн олунньу 4 күнүгэр диэри  Дьиэ кэргэн сылын арыйыы үөрүүлээх тэрээһинэ тэриллиэхтээх диэн.

Бу сылга дьиэ кэргэн сыаннастарын сырдатар, тарҕатар сыаллаах араас маассабай тэрээһиннэр буолуохтара. Ол курдук, дьиэ кэргэн пуорума, сийиэһэ, биллэр-көстөр ыаллары, диинастиялары кытта көрсүһүүлэр, дьиэ кэргэнинэн тулаайахтарга, кырдьаҕастарга, инбэлииттэргэ көмөлөһөн волонтердааһын, кэнсиэртэри, быыстапкалары, маастар-кылаастары, күрэхтэһиилэри, куонкурустары тэрийии,  о.д.а., — диэн миниистир эттэ.

Быйыл «Сыл бастыҥ ыала», «Сыл бастыҥ аҕата», «Аҕа күрэҕэ» куонкурустарга, Бүтүн Арассыыйатааҕы «Всей семьей» бырайыакка улахан болҕомто ууруллуоҕа. «Сыл бастыҥ ыала» куонкурус бастакы түһүмэҕэ улуустарга бу саас ыытыллыахтаах. Быйыл уларыйыы киирэн, өрөспүүбүлүкэҕэ уонна Арассыыйаҕа кытта барар кыайыылаах дьиэ кэргэттэргэ айаннарын, олороллорун ороскуота төлөнөр буолбут.

Онон Дьиэ кэргэн сылыгар элбэх интэриэһинэй тэрээһиннэр ыытыллаллара күүтүллэр.

+1
1
+1
0
+1
0
+1
0
+1
0
+1
0
+1
0
Бары сонуннар
Салгыы
19 июня
  • 16°C
  • Ощущается: 15°Влажность: 67% Скорость ветра: 2 м/с

Сообщить об опечатке

Текст, который будет отправлен нашим редакторам: