Мария Васильева хаартыскаҕа түһэриитэ, СИА.
Өрөспүүбүлүкэтээҕи дьиэ кэргэн бэстибээлин чэрчитинэн ыытыллыбыт тэрээһин Арассыыйаҕа Дьиэ кэргэн, Саха сиригэр Оҕо саас сылларыгар ананна. Сэлэлээн хаамыыга икки тыһыынчаттан тахса киһи кытынна.
«Дьиэ кэргэҥҥэ уонна оҕоҕо өйөбүлү оҥорууну 90-с сыллартан биһиги өрөспүүбүлүкэбит бастакы Бэрэсидьиэнэ Михаил Ефимович Николаев саҕалаабыта. Бу үлэни бүгүн биһиги салгыыбыт, кэлэр көлүөнэ эмиэ салгыаҕа. Биһиги демографическай бэлиитикэҕэ ситиһиилэрбитин Бэрэсидьиэн Владимир Владимирович Путин Саха сиригэр кэлэ сылдьан бэлиэтээбитэ. Биһиги бу ситиһиилэринэн киэн туттар бырааптаахпыт«, — диэн Саха сирин Ил Дархана Айсен Николаев эҕэрдэтигэр эттэ.
Параакка кэргэнниилэргэ үтүө холобур буолар Саха сирин кыһыл көмүс ыаллара — Екатерина Михайловна уонна Михаил Михайлович Харитоновтар, Альбина Гаврильевна уонна Григорий Федотович Михайловтар кытыннылар.
Көрөөччүлэр дохсун ытыстарын тыаһынан саҥа ыал буолбут эдэр дьону, элбэх оҕолоохтору эҕэрдэлии көрүстүлэр.
Үөрүүлээх тэрээһиҥҥэ уопсастыбаннай түмсүүлэр, үлэ кэлэктииптэрэ эмиэ кытыннылар. Кинилэр ортолоругар Үһүс саас оскуолата, Бастакылар хамсааһыннара, Бүтүн Арассыыйатааҕы норуот фрона, «Счастливый мир» элбэх оҕолоох дьиэ кэргэттэр түмсүүлэрэ, «Матери России» Бүтүн Арассыыйатааҕы уопсастыбаннай хамсааһын эрэгийиэннээҕи отделениета, «Подруги-Дьүөгэлэр» уопсастыбаннай хамсааһын, «Российская семья» Национальнай уопсастыбаннай кэмитиэт эрэгийиэннээҕи отделениета, Дьокуускай куорат аҕаларын, ийэлэрин түмсүүлэрэ, уо.д.а.бааллар.
Тэрийээччилэр дьиэ кэргэн бэстибээлин ыытыы дьиэ кэргэн сыаннастарын, үгэстэрин тарҕатарга, дьиэ кэргэн статуһун, ийэ, аҕа оруолун үрдэтэргэ, көлүөнэлэр сибээстэрин бөҕөргөтөргө тирэх буоларын бэлиэтииллэр.
Сиһилии https://www.sakha.gov.ru/news/front/view/id/3407378 ааҕыҥ.
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Мария Васильева түһэриитэ, СИА
Эһиги саахардаах диабеттаах буоллаххытына, глюкометры уонна тест-полоскалары ОМС полиһынан босхо ылыаххытын сөп. Ол туһугар бэйэҕит…
А.Е.Турнин аатынан күрэс уораҕайыгар наартаны үрдүнэн ойууга уолаттар, эр дьон, бэтэрээн эр дьоннор, кыргыттар, дьахталлар…
Сайын ортото – оҕуруот аһа ситэр-хотор кэмэ. Бу кэмҥэ үүнээйини араас үөн-көйүүр буорту гынара оҕуруотчуттар…
Ытык-мааны Таатта сиригэр-уотугар "Манчаары" оонньуулара ыытыллыбыта нэдиэлэ буолла. Бүгүн быһаарыылаах түмүк күн. Хас күн ахсын…
«Мэйии. Үгэс. Ыра санаа» документальнай киинэ сүрэхтэниитэ 2025 сыл балаҕан ыйыгар Дьокуускайга, Санкт-Петербурга уонна Москваҕа…
Бүгүн үс күннээх V өрөспүүбүлүкэтээҕи «Yлэ, иис күрэҕэ» иистэнньэҥ ийэлэр уонна волонтердар күрэстэрэ, «Кыайыы 50…