«Дьиэ кэргэнинэн ааҕабыт» күрэс биһирэннэ

Улууспутугар дьиэ кэргэнинэн ааҕыы күрэһин дьон-сэргэ биһирээтэ, кэрэхсээтэ. Ол курдук, Амматааҕы О.П.Иванова-Сидоркевич аатынан айар сайдыы киинэ «Дьиэ кэргэнинэн ааҕабыт» күрэхтэһиини тохсунньу 26 күнүттэн саҕалаан ыытта.

Ыытыллыбыт тэрээһин сыала-соруга: дьиэ кэргэн үтүө олуга — дьиэ кэргэнинэн ааҕыы диэн буолар. Оҕо кинигэни, хаһыаты ааҕара, аахпата төрөппүттэн эмиэ тутулуктаах. Кинини көрөн үөрэнэр, бастакы ааҕыы эйгэтигэр сыстар. Оҕо дэгиттэр сайдыылаах, дьоҕурдаах буолуутугар кинигэ бастыҥ көмөлөһөөччү буоларын төрөппүттэр өйдүүллэрэ ирдэнэр. Дьиэ кэргэн кинигэни ааҕыы үгэстэрин сөбүлүүр дьарык оҥостоллоро хайҕаллаах суол. Онон биһиги күрэспитигэр көхтөөхтүк кыттыбыт дьиэ кэргэттэргэ махталбытын тиэрдэбит.

Быйылгы күрэскэ уопсайа 17 дьиэ кэргэн тэйиччиттэн олорон кыттыыны ылла. Амма, Алтан, Болугур, Мээндиги, Соморсун, Сэргэ Бэс нэһилиэктэрэ көхтөөхтүк кытыннылар. Дьүүллүүр сүбэ кыайыылаахтары «Дьиэ кэргэнинэн ааҕыы», «Көлүөнэнэн ааҕыы», «Дорҕоонноохтук ааҕыы» диэн номинацияларга арааран быһаардылар.

«Дьиэ кэргэнинэн ааҕыы» номинацияҕа 1 Үрдэли Тихоновтар дьиэ кэргэныллылар. Сахайаана Ивановна, Семен Васильевич уонна оҕолоро Вася (10 саастаах), Виолетта (8 саастаах), «Диалог» куруһуок иитиллээччилэрэ. Салгыы 2 Үрдэлгэ Даниловтар дьиэ кэргэн таҕыстылар. Сергей Афанасьевич, Ирина Васильевна уонна кыыстара Саргылана Данилова, 9 кылаас үөрэнээччитэ. Оттон 3Үрдэл Николаевтар дьиэ кэргэн буоллулар. Любовь Афанасьевна Николаева, Гаврил Гаврильевич Никифоров уонна 6 «Б» кылааска үөрэнэр оҕолоро Амелия Николаева.

«Көлүөнэнэн ааҕыы» номинацияҕа 1 Үрдэл — Кузьмин Тимур эбээтэ Баишева Саргылана Васильевна, эһээтэ Баишев Андрей Петрович. 2 Үрдэли Александровтар дьиэ кэргэн ыллылар. Александрова Регина Александровна оҕолорун Дайаананы, Мичийэни кытта уонна эбээлэрэ Максимова Екатерина Ивановна.

«Дорҕоонноохтук ааҕыы» номинацияҕа 1 Үрдэли 1 кылааска үөрэнэр Аина ийэтин Адамова Анна Николаевнаны (Алтан) кытта ыллылар. 2 Үрдэлгэ Алеся уонна Саина Николаевна Еримеевалар (Соморсун) таҕыстылар. 3 Үрдэл — Мээндигиттэн кыттыбыт 13 саастаах Айтал Захаров эдьиийин Василиса Данилованы кытта.

Хайҕал суруктарынан наҕараадаланнылар: Алтан нэһилиэгиттэн кыттыбыт Елена Николаевна, Ефим Игоревич Яковлевтар оҕолорун Коляны (1 кылаас), Трофимы (3 кылаас) кытта. Мээндигиттэн Охлопкова Розалия Григорьевна, Леня Охлопков (10 саастаах). Мария Михайловна, Алексей Иванович, Милана (3 кылаас) Васильевтар. Алтан нэһилиэгиттэн Милана Харабынова (4 кылаас) ийэтин Саргылана Егоровнаны кытта. Амма нэһилиэгиттэн  Эльвира Даниловна, Антон (9 кылаас), Алиса (6 кылаас, Амма 1 дээх орто оскуолатын үөрэнээчилэрэ) Кулебякиннар. Сэргэ Бэс нэһилиэгиттэн Елена Анатольевна, Ярослав, Егор Ивановтар. Соморсун нэһилиэгиттэн Надежда Степановна, Спиридон Прокопьевич, Айсана (4 кылаас, «Малая Родина» куруһуок иитиллээччитэ) Охлопковтар дьиэ кэргэн.

Туоһу суруктар Сэргэ Бэстэн кыттыыны ылбыт Сахайаана Владимировна, Кирилл, Лев Протопоповтарга, Соморсунтан кыттыбыт Света, Мария Александровна Оконешниковаларга туттарылыннылар.

Күрэскэ кыттыбыт бары дьиэ кэргэттэргэ тэрийээччилэр ааттарыттан улахан махталбытын биллэрэбит! Бу курдук көхтөөхтүк кытта тураргытыгар баҕарабыт.

Александра Егорова,
О.П.Иванова — Сидоркевич аатынан Амматааҕы айар сайдыы киин мэтэдииһэ,

Амма.